31 st December, 02 Tuesday
新年快樂唷~~~~! 今朝起身去補習呀~ 好累呀~~~~ 補習收 6 點~ 然後搭車出銅鑼灣~ 嘩~ 勁塞車呀香港仔隧道~ 塞左成粒鐘 -_____- 出到去time 屎 7 點半，但係time 屎已經滿坐 -___- 就黎封埋添~ d 人都唔知係咪有病~ 7 點半就排晒隊~ 企響度等成5 粒鐘為左睇個大電視既數字~ 我先無佢地咁傻~ 企響度廁所又去唔到~ 都唔知為咩~ 我同kevin 用左尋日響annual dinner 度抽到既coupon 去買刺身同sushi 食~ 買左成 $150~ 哈哈~ 不過好好味~ 去左維園食~ 食完行過見有個維園嘉年華~ 但要買飛入~ 我地無飛~ 但係我地跟住一家人行左入去~ 呵呵~ 咁就唔使錢入左去睇show 勒~ 都幾好睇~ 有d 表演咁~ 然後仲o係入面倒數~ 哈! 之前仲諗緊唔知去邊倒數~ 點知盲鐘鐘入左去個咁好玩既地方~ 哈哈~ 又熱鬧喎~ 幾多人倒數呀~ 正~ 倒數完後，亞峰打黎比我~ 點知有刺身拎喎~ 咪去旺角拎囉~ 哈哈~ 又有免費刺身吃~~! kevin 同我一起返屋企吃~ 吃完佢就走勒~ 不過仲有d 食唔晒響雪櫃~
30 th December, 02 Monday
今朝起身去旺角開會~ 做新聞學project~ 哎~ 都唔知點講勒~ 總之一定唔方做得好啦~ 7 個人一組但係得 4 個開會~ -_______- 仲要大家都唔知點做既~ 哎~ 都唔知點講好~ 個會好快就開完~ 無咩人傾麻~ 我同亞瑩去左食糖水~ 好大碗刨冰呀~ 食唔晒~ 食完去左網吧打機~ 羅返d 介指~ 兔仔比左份聖誕禮物我~ 係hello kitty 波波黎既~ 夜晚就同billy 去左鷹君酒店度食佢公司既annual dinner~ 都幾好食丫~ 有刺身麻~
29 th December, 02 Sunday
下午kevin 買左lunch 比我吃~ 吃完佢就出去自修室溫書~ 我就自己睇埋電視就走~ 點知.... 我衰.... 睇佢櫃桶.... 哎..... 發現左d 我唔應該發現既野.... 其實我睇之前都知可能會後悔睇過架喇~ 不過我都係要睇..... 當然係傷心啦... 不過喊完就無事.. 諗通lu~ 有d 野係有報應，亦都會循環不息既.. 我曾經令好多人失望~ 同樣亦都會有人令我好失望既... 佢都唔只一次令我失望啦... 係我蠢一次又一次心甘情願受佢 tum 姐~ 唔開心都要走架.... 但係又唔想回家~ 咪去網吧囉~ 入game 見到安安~ 佢話想睇戲~ 跟住又話請我睇~ 我見橫掂都唔開心想出去走走咪同佢去睇囉~ 之後亞鋒都有黎一齊睇呀~ 佢拎左d 刺身黎~ 嘩~ 有好多架~ 咩都有~ 我地響荷里活睇金雞~ 都幾搞笑~ 不過又唔係十分搞笑o個隻~ 不過吳君如就好放~ 真係佩服~ 呢d 先係演員麻! 不過我地遲左入場，睇唔到陳奕迅o個part 添~ 睇完亞鋒就走~ 因為響街度無豉油既關係，我就上左安安屋企食刺身~ 好好味呀~ 真係正!!!! 不過太多喇~ 我地都食唔晒~ 而家仲好鬼飽呀~ 不過好好好好味~ 識到亞鋒呢d fd 真係無得頂呀!
28 th December, 02 Saturday
今日響屋企無野做~ 搞下義工小組d 野~ 打下會議紀錄咁囉~ 夜晚就出去kevin 屋企~ 響佢度過夜~ 一齊睇minority report~ 我買左正版麻~ 咪一齊睇囉~ 橫掂佢又未睇過~ 我又要睇多次~
27 th December, 02 Friday
尋晚太累~ 諗住等kevin 電話，等等下響sofa 訓左成晚，電視又無熄~ 比我家姐起身返工時發現同比佢鬧醒~ -____- 夜晚約左睡衣主人出去~ 我地去左green box 唱k~~~ 哈哈~ 主人唱歌都唔錯呀~ 主人仲好好咁送左聖誕禮物比我~ 係條頸鏈黎架~ 佢又請我唱k 呀~ 今晚唱k 好貴呀~ 成$27x~ 主人真係好呀~ 又養我又送禮物比我~ ^^
26 th December, 02 Thursday
今朝好早起呀~ 要去打war game 麻! 約左godwin o係荃灣等~ ( 又係荃灣 -__- 平時返學已經要去呢d 鬼地方... 放假都要去... ) 好鬼累呀~ 仲比bb 彈跣親.... 跌到隻手好痛~ 今日好凍呀~ 所以都無出到汗~ 記得上次夏天去時熱到死~ 今次去同上次去既地方一樣~~ 我好叻呀~ 有個遊戲係我地做賊另外一隊做兵~ 我地要呢埋同殺賊~ 如果d 賊比兵捉晒就贏~ 兵有無限復活~ 所以o係完場前未搵到晒d 賊就當輸~ 我一開始就呢埋諗住搵個窿伸支槍出去殺d 兵~ 點知後尾發現支槍無電 -___- 我諗住死梗啦~ 咁咪唯有唔出聲呢埋等死囉~ 呢呢下d 風吹跌左我呢埋間屋既一個當窗簾用既板落黎~ 心諗死啦~ 又唔可以就去棟返起塊板~ 加上棟返起一陣又可能吹跌過~ 點好呢？ 咁就企響窗口隔離，希望d 人睇唔到啦... ( 心諗其實都係等死... 等陣唔好射得我咁痛就得勒.. ) 點知d 人真係衝入屋，但係就睇我唔到 -____- 後尾諗走佢地仲有人塞支槍入個窗口亂射，但係都係射唔到我.... -_____- 結果我地咪贏左囉~ 哈哈~ 我幾犀利~ 走時好累呀~ 但都約左johnny 去黃埔食野~ 我地去左食元氣~ 然後食雪糕~ 夜晚我自己就去左網吧~
25 th December, 02 Wednesday
MERRY CHRISTMAS AR~~~~~ 今朝訓到好晏呀~ 下午五點幾同kevin 出左去tst~ 諗住睇下有無貓之報恩既飛~ 點知無~ 全場淨係得返一張飛~ 咁咪無睇囉~ 行下街咁~ 到夜晚就去左新蒲崗同kevin 同佢daddy，佢亞哥and 亞哥gf 打邊爐~ 佢亞媽返左大陸~ 我爸媽都係~ 嘻~ 之後去左michael 響網吧開既party 度~ 不過去左一陣就走~ 費時夜得滯kevin 無車返屋企麻~
24 th December, 02 Tuesday
今朝同iris 打羽毛球~ 好痛呀隻手~ 因為之前扭親~ 之後去左kevin 屋企沖涼同訓左陣~ 好鬼眼訓 -___- 之後出去啟德嘉年華玩~ kevin 暢左$120 比我玩呀~ 好開心~ 因為佢不嬲好少會洗錢落呢d 佢認為無聊既遊戲上架~ 我地玩到3 個小公仔返黎~ 嘻~ 之後就去左睇戲囉~ harry potter~ 都幾好睇~ 但d 配音譯得好怪，都唔自然既~ 比我第時譯應該會好d ~ 嘻~ 套戲整體都幾好，但就缺少左高潮位~ 打蛇o個度應該係高潮，但又好短，同埋無d 緊張刺激既戲份~ 壞人又唔夠壞，又少戲份~ 不過個故事幾好囉~ 睇完戲就過去銅鑼灣~ 行行行等倒數~ 都幾熱鬧幾多人呀~ 仲撞到christie~ 夜晚就響time 屎倒數囉~ 之後就回家~ ^^ 今日都見到明星呀~ 響啟德o個邊見到黃夏蕙拎住隻大公仔~ ( 都唔知係咪自己買，然後攬住黎，扮玩到~ -___- ) 仲有o個度有個counter 比明星黎簽名之類~ 今日就有范振鋒同梁弈倫~ 不過我都同佢地傾過計又玩過落~ so 個feel 都唔覺得佢地係明星咁~ 所以呢亦都無叫佢地呀~ 佢地掛住簽名~
23 rd December, 02 Monday
今朝返學不過又遲到~ 所以又無上電媒~ 同亞瑩食下午飯然後就上心理學~ 上完就出左去買戲飛囉~ 去到新世紀，行緊去戲院時，竟然有人大叫fayecat~ 咁我令轉頭望下，叫我o個個人係我唔識架喎~ 跟住佢同我講佢係西卡~ 原來佢係我龍族入面既fd~ 不過我未見過既~ 但佢就知道我係點樣既~ haha~ 真係好愕然呀~ 不過佢好好傾架~ 嘻~ 我地一齊買飛~ 一齊行街街~ ( 佢幫我拎野~ 呵呵~ ) 因為佢約左人未夠鐘我又無野做~ 之後我去左網吧囉~ 要整我個page d 野麻~ 用唔到ie 整唔到呀~ 好鬼掛住ie~~~~ 真係好難買戲飛呀~ 本來諗住睇貓之報恩~ 但原來25 號先上，咪睇harry potter 囉~ 點知harry potter 開英中2 邊，每邊隔一個鐘開一場，都竟然係無晒飛~ 一係就下午，一係就午夜場先有飛~ 結果買左中文場最夜而又有位既 6 點鐘場~ 不過都係好鬼前~ 哎~ 想睇英文版..... 算啦! 買到就算~ 雖然係坐 E行.... -__- 響地鐵站撞到大乳 ( 以前個同學~~ 係男仔黎~ hehe ) -____-
22 nd December, 02 Sunday
今朝去睇波呀~ ( 雖然係下午3 點，但我要成十二點幾起身，感覺上都係朝早 ) 南華vs 愉園~ 亞洲電視盃呀~ 係亞視搞既~ 贏左有成40 萬~~~ 幾dump 本呀~ 當然梗係南華贏啦~ 嘻~ 如果有亞邦響度，唔只贏3：０ 添呀 ~ 我諗呀.... 最少都5：0 啦~ 不過亞邦就慘喇~ 唔知有無得分錢呢~ 不過有都應該唔及出場既咁多啦~ 佢而家仲要做多個小手術拆羅絲呀~ 快d 踢得返就好lu~ 之後我同johnny 去左sogo 呀~ 買左bobbi brown 既foundation ~ 就黎用晒啦麻~ 都係舊價 $280 啦~ 好采無加價~ 今日試過biotherm o個隻~ o個隻好平呀~ $190 jar~ 不過我嫌水多得制~ 唔怪得知咁平~ 搽o係塊面度都係用貴d 好~ 之後去左間專賣hysteric 既舖頭度買左對耳環~ 好靚呀~ 二百幾蚊~ 不過我好想要對鑽石既~ 年紀大喇掛~ 愈來愈鐘意鑽石~ 閃閃下真係好靚麻~ 第時出黎做野第一件事一定係買鑽石介指同耳環比自己~ 雖然而家都有鑽石耳環~ 不過太細粒喇~ 同埋我有6個耳洞~ 要買3 對先夠戴~ 之後johnny 去踢波，我就去旺角諗住買harry potter1 既翻版今晚響kevin度睇~ 因為kevin 未睇~ 不過佢同我都搵唔到~ 不過唔緊要啦~ 今晚tvb d 節目都幾好睇~ 有千fa --> tvb 8 --> 一夜夫妻~ 睇完佢咪送我返屋企囉~
21 st December, 02 Saturday
今朝都係補習啦，之後去左龍族個party~ 見到好多人囉~ 嘻，不過仲悶過上次~ 之後走時我要照顧個小朋友~~~ 無人理佢~ 個個走晒~~ 我咪陪佢去搵巴士站囉~ 行左成半個鐘先幫佢搵到個巴士站~ 我今日仲著boots 添~ 死未~ 到佢走時我隻腳好似生晒水朴咁痛~~~ -______- 得返半條貓命..... ( 本來有 9 條... ) 夜晚做節~ 兼慶祝埋我舊曆生日~ 無咩禮物收到呀..... 得利是 ( 得好少錢 -_- ) 同一個cusion ( 3 家姐送~ cheap 到死~ 哎~ 佢年年都係咁~~ 無眼睇~算罷啦~ 我都唔當佢份係禮物..... 先2 日先見kalm's 做特價~ 賣唔知七十幾定八十幾蚊.. 哎........... 都唔知點解有個咁既家姐.... 我送比fd 生日禮物都唔只啦... ) 平都算..... 唔好送雞勒比我丫... 我成張床都係cusion~ 呢個仲要係out 到唔out 既kiroppie~ n 年前好興o個隻青蛙呀~ 姐夫黎食飯，幫我睇過個電腦~ 佢話個ie 花左~ 唔排除中毒~ 但佢話應該format 左再裝返，就ok 架喇~ 今日有人話我知睇我日記好似身歷其境咁~ 咩真係咁勁咩？仲話有星味添呀~ 哈~ 不過係咪真既我都好開心丫~ 多謝佢先~ ^^
20 th December, 02 Friday
今朝又唔使返呀~ 因為亞sir 請假~~~ 下午我就要返~ 點知.... 個小巴司機超級高智能~ 上左車後佢行紅磡o個邊，點知塞車，兜左上去~ 我以為佢行彿光街然後落旺角行天橋啦，點知佢唔係，行返轉頭去九龍城，上左車15 分鐘，都仲見到我屋企~ 你話激唔激死.... 然後我以為佢行龍翔道然後上天橋啦，點知佢又唔係~ 原來佢行太子 --> 深水步 --> 荔枝角 .... 搭過咁多次小巴，第一次見有司機有天橋唔行，行平地~ 我諗佢鐘意睇交通燈同睇d 人過馬路掛~ 本來我4 個字可以入荃灣，比佢搞到要成個鐘~ 佢都唔知係咪有病，搞到我遲到~ 上完堂去左causeway bay meet johnny~ 因為去大球場睇波丫麻~ 南華對大連實德呀~ hahaha 3：0 幾開心呀~ 譚國偉竟然入波喎~ 今日收到禮物呀!!! hahaah~~ 我同iris 交換禮物~ 佢送左powerppuff girls blossom 既原子筆同貓貓間尺比我~ 呵呵~ 好靚呀~ 然後有收到johnny 既聖誕禮物~ 佢送左一隻我好好好好好好好 x 100000000000 鐘意既lovers house 既錶比我~ 好開心呀~~~~ !! =3= 今日又見到明星喇~ 呵呵~ 都話架啦~ 今日o係time 屎度見到吳家樂~~~ 呵呵~ 唔知聽日又見到邊個呢~
19 th December, 02 Thursday
今朝o個個女人又請假~ 唔使返囉~ 呵呵~ 下午去補習~ 之後夜晚同johnny 出去影燈飾~~ 今日見唔到明星添! 個電腦都唔知係咪中毒~ 家陣連我的電腦都開唔到~ 哎..... 我諗都要format... 都唔知係我玩電腦定係電腦玩我........
18 th December, 02 Wednesday
今朝返左新法~ 因為南華去踢波麻~ 咪特登搵籍口返去囉~ 好采傑傑諗到話返去羅cert~ 但我又真係要返去羅~ 咁咪順便囉~ 無高尼路呀..... e ~~~~~~! 得歐偉倫，和仔，丘仔，郭文迪，大吉同鐘皓賢~ 佢地都唔識我既~ chur~ 我又唔好佢地喎~ 如果唔係亞邦整親，相信佢都會有份去~ 因為佢上年都有黎~ 我仲成堂無作文伏o係個窗口度望佢~ 下午同傑傑食lunch~ 之後我去補習，補完本來約左佢睇harry potter~ 但突然有飛有得去睇蕭正楠~ 咁我梗係去睇啦~ 好鬼前呀~ 第三行，仲坐得前過d 明星~ 好多明星都係坐我後面o個行~ 有關心妍，陳思慧，陳見飛，范振鋒，梁弈倫，e- kids，EO2~~ 范振鋒好鬼靚仔又好nice~ 好好人架佢~ 仲話我個相機靚問我響邊度買~ 嘻~ 不過最衰入唔到後台..... 我個fd 話好多高層o係入面，唔方便..... 搞到我無得識蕭正楠~ 哼! 原來蕭正楠都好多fans...... 真係勁~ 係勁多~ 仲見到yuki 添..... 今日又見到明星~下午見到唐文龍，型到爆........ 真黎比佢電暈~ 由o個日見到亞sa 開始，我日日都見到明星.....
17 th December, 02 Tuesday
尋晚激死人~ 想d/l 幅圖點知噤錯下面個制變左save as desktop wallpaper.... 哎... 原本用緊o個張唔見左.... 於是我今日咪搵返我用開既josh hartnett 既 wallpaper 囉~ 上網見到有個佢既desktop theme，咪d/l 囉~ 點知install 完同我個ie 撞左~ 開唔鬼到~ 而家都唔知點好~ 又睇唔到網頁~ 真係激死! 好嬲呀!!!! 咩都整唔到喇! 今朝去補習~ 無帶電話...... 激死... ( 又激死... 一日都唔知要死幾多次先得... ) 我下午約左iris 架麻.... 去到唔見佢又無電話... 我咪打返屋企囉~ 叫我亞媽同佢講我o係邊等佢囉~ 我亞媽又講到一舊舊~ 好采我同iris 醒目... 真係比佢激死~ ( 第三次死.. -__- ) 我同iris 去打羽毛球~ 好耐無打，生疏左好多~ 打完隻手震晒無力~ 真係好耐無運動~ 之後回家羅電話... 然後又去補習~ 放左後同johnny 去黃埔睇無間道~ 好正! 有好多人話套戲一般，但我話正! 故事真係好特別.... 我從來都無諗過竟然有黑社會派臥底去警察度.... 不過梁朝偉個角色又太過份.... 邊有人做臥底做咁多年都未學壞~ 人地話學壞一日就得，邊乖就十年都未得~ 但劉德華竟然可以一時間變返好~ 梁朝偉就十年都唔壞~ 奇怪.... 不過我仲係好鐘意呢套戲，結局又好~ 出人意表兼深刻又感人~ 好好好~ 套戲仲好反映現實 -- 有時做好人未必會有好報.. 未必會有人認同.. 社會唔係一個童話或者故事..... 社會就係現實.... 社會唔係樣樣都是必然..... 社會就係咁.. 見到楊婉儀拖住個男人響黃埔拍拖~
16 th December, 02 Monday
今朝特登遲d 返~~ 點知原來亞sir 無返~ 請左假~ 所以我未出門口就知唔使返~ 但我都返左去同iris 食野~ 然後就下午o個堂心理學~ 本來諗住上攝影~ 點知為左羅相遲左上去，羅完相上到去班房唔見d 人，去晒黑房，咁即係唔入得去 = 唔使上啦？咁咪去左食野無上囉~ 之後就上電視創作囉~ 上完就回家~ 尋晚d 相影得好差呀~ 最衰前面d 8 婆羅住d 一條條係咁"fink" 搞到我focus 唔到~ 成日focus 左落d 一條條度~ 激死~!
MY DIARY!!! 傻貓日記 :)~