15 th December, 02 Sunday
今日晏晝食mcdonald"s~ d 龍蝦湯有好多蝦~~ 成10 隻都有~ 之後無幾耐就出去睇周杰倫~ 我坐第二行~ amanda (model 黎，好耐之前同郭富城傳誹聞o個個呀~又即係同edison 一齊做願望樹o個個) 坐我前面~ 于文鳳坐我執邊~ 聽後面d 周杰倫fans 話有張柏芝同莫文尉，不過我就無見到~ 由於我睇得好清楚，所以影左好多相~ 影左筒半 ( 正確d 講係55 張 ) ，遲d 睇下可唔可以叫人幫我scan 一d 上黎比大家睇啦~ 今晚場concert 都幾好睇~ 值得一讚既係d dancers 跳得好，同舞蹈編排都好好~ 大家睇時記得留意~ 唔好淨係掛住聽同睇周杰倫~ jay 今晚既表現一般，很多歌詞甩了，黑色幽默雖然無走音，但假音都唱得不好，有點勉強。不過其他歌都唱得好好，d 歌都好好聽~ dancers 表現就非常好~ d 衫都做得好靚~ 氣氛很好，大家都很愛jay 吧~ 不過佢d fans 太熱情，坐o係我後面o個d 成日用支螢光棒同d 牌整到我~ -___- 場concert 好早完~ 11：00 就完~ 返到屋企做緊titanic~ 雖然已經睇左好多次，但係而家睇同以前睇有唔同既感覺，入面有一幕係講隻船就沉，影到好多唔同既人點樣面對佢地既死亡，有一對好老既夫婦，死前在床上摟在一起，老翁在妻子額上吻了一下就一起迎接死亡了。我想假如將來我也能夠這樣死去，死也變得幸福~ 能夠找到一生中最愛的人，然後白頭到老，一起渡過人生最後一日，到死的一天仍然恩愛，相信機會率都很微~ 最近意外地發現了夜晚明珠台做sex and the city，非常難得~! 這是美國HBO 收視第一的節目，本來想買vcd 睇，而家竟然發現 pearl 有得做，當然不要錯過啦! 大家都記得要收看! 最近都很忙呀~ 要做功課，看書，整蕭正楠網 (最徙時間就係呢樣 )，睇戲，睇新聞，真係忙死~
14 th December, 02 Saturday
今朝去補習~ 補完去左網吧~~~ 無咩野講呀今日~ 好早就訓~ 打機打邊戰.. 殺左勁多人，點知完時勁lag，咩都無得加~ 算~ 我成日打都係咁架喇~慣左∼
13 th December, 02 Friday
今朝無遲到~~ 呵呵~~ 係咪好叻~~~ 見到我記得讚下我~ 我仲o係未上堂前貼埋義工小組通告添呀~ HAHA~ 下午去左開義工小組既會...... -______- 開左成2 個半鐘~ 好鬼多野做添呀.... 之後上堂... 佢又遲上.. 仲又係講埋o個d ... 又要做功課..... 落堂後拿拿聲出去 esprit 剪頭髮~ 今次佢有個客等緊佢，剪得無咁仔細~ 但都ok la~ 之後約左傑傑o係尖咀~ 我地行行行~ 然後去左食元祿~~ 我地食左twins 做主題既twins 卷~ 食完我話去 7-11 買雪糕啦~ 點知就o係7-11 見到亞sa 勒~! 佢好細粒呀~ 矮我成個頭~ 個頭好細，身好細，咩都好細~ 由於我都幾鐘意佢~ 所以我就叫左佢o係我schedule 度簽名~~~~~ haha~ 好開心~ 傑傑今日戴左我既頸巾~ 愈睇就愈覺得靚~ 我真係叻~呵呵~ 不過佢搞到條頸巾好大浸佢o個隻jean paul 番繭味香水~
12 th December, 02 Thursday
死~ 今朝主任堂又遲 -_______- 死未~ 放學後去左網吧呀~ 等補習麻~ 補完習之後就出旺角搵johnny ~ 我地去左睇波，今日南華 vs 晨曦~~ 南華嬴呀!!!! 1：0~~~ 係區偉倫射入架~ johnny 都不知幾開心~ 嘻~ 佢鐘意亞倫麻~ 仲等佢出黎同佢影相添~ 睇完後我地去食野跟住就回家囉~ 今晚都好多野做呀~ /___\
11 th December, 02 Wednesday
下午去補習~ 補完就去左旺角買裙~ 買左2 條~ 但最鐘意o個條唔arm~ 點解我個pet pet 咁大架 -_________-! 次次都係腰勁鬆~ pet pet arm arm 好~ 激死~ 之後去左買d 野就去左網吧~ 好累~
10 th December, 02 Tuesday
今朝摘醒~ 發現個電話o係被兜度~ 心中一想：shit............ 點解個電話會o係被兜度.... 然後我望下個電話...... 不禁又大叫shit..... 已是9時多~ 我立刻以9秒9速度跑出廳打電話，同補習度講我唔知醒要遲囉...... 我本來返9點，後來到達補習社的時候已11：40...... 結果我4 點收工~ 然後就去下一場~ 今晚無上街，可是到現在凌晨2 點我都無停過手~ 很多野做~! 電話還有幾個未打~ 又要做義工小組既野，搵場打羽毛球，洗碗，整大富翁既野，搵圖，整楠楠網，寫日記等...... 忙死!
9 th December, 02 Monday
加左d 野o係7號既日記度，因為漏左寫~ 今日開始返改左堂既第一日~ 有得訓晏d 真係好~ 不過今朝因為有少少意外令到我勁肚痛，要用暖水袋兼食panadol，所以坐左o係屋企好耐先出門口~ 咁今朝結果我又遲到勒~ 我諗你地都知我咩意外啦.... 不過而家天氣咁凍我今晚都會用暖水袋架喇~ 下午iris 唔舒服走先，我咪同lina 2 個上心理學囉~ 死人細勛又唔返~ 落堂後我一個人去左對面網吧打機~ 因為無人陪我麻~ 個個都唔返~ 咁之後我連攝影都無返~ 因為唔鐘意上呢堂兼打緊機麻~ 又無人陪我返~ 但係最尾o個堂電視創作我就有返~ 夜晚同傑傑講左陣電話~ 原來佢今日同聽日都用我織比佢條頸巾~ 都估唔到佢會掛住我仲用我既頸巾喎~ hehe~ 原來我o係我既朋友心目中都幾重要 ^^ 當然我條頸巾都要唔織得太核突先有人戴啦~ hehe~
8 th December, 02 Sunday
今日下午去睇波，好少人去睇jar~ 南華嬴左~ 3：0~ yeah~ 不過唔見亞邦喎.... 之後同johnny 行去食kfc~ 之後無幾耐佢就要走勒，因為要去踢波~ 跟住夜晚我去左搵kevin~ 都好似好耐無見佢~ 佢仲係咁鐘意打高達~ 不過好似打得差左~ 夜晚等車時講開以前，我話係佢唔要我，佢話唔係，係我話唔揀佢~ 我都唔明點解男人係都要將d 責任推比女人~ 唔係佢對我咁差我點會唔要佢... 佢知我好愛佢~ 咁又點會係我問題呢？ 老實說我可以為佢做任何事，同埋.... 今日真係好凍，就黎凍死~ freezzzzing cold~~~~
7 th December, 02 Saturday
今朝如常起身去補習~ 好鬼眼訓~ 所以趁就收工託住個頭靜靜雞恰左陣~ 好出奇~ 今日收左第一份既聖誕禮物~ 係個補習社o個度送既~ 真係估唔到~ 不過份禮物係支 gilter stick 黎既~ 即係無用既雞勒一件...... 我都唔搽既... 不過算啦，有禮物收我都勁開心了! 之後就約左家誠去尖咀~ 我地睇左雙瞳呀~ 套戲一般啦~ 可能會有人睇唔明，但係我就明，因為有d 野都關於生理同心理學既~ 例如d 人死點解會有火燒/ 淹死咁既徵狀呢？因為例如你感覺熱，神經傳送呢個message 去大腦，大腦作response，身體就會出現反應~ 例如皮膚出現被灼傷徵狀~ 套戲無咩高潮，整套都很平均。外國演員及梁家輝演技精湛。內容有點玄，結局一般，未見特出。兇手行兇動機有點像red dragon 中的兇手。 我同家誠睇完戲就去食飯~ 點知食完無錢比 -____- 原來我得返$20 ~ ( 我以為有張$100 紙，點知原來用左無擺返落去... ) 勁"羅"..... 結果我企響度等家誠去噤錢囉~
6 th December, 02 Friday
死~ 今朝主任堂又遲~ 哎~ 我真失敗~ 不過我今朝先知係主任上~ 原本係個台灣教授堂架~ 不過佢個簽證唔得喎~ 要遣返呀~ ( 不過都唔知係咪佢唔想撈炒學校魷魚~ 因為我地.... 無台灣o個邊d 學生咁乖囉.... 老實d 講，係曳..... 佢有次比隔離班激到走鬼左呀 ~ 上上下堂都唔話唔想，話落堂~ 不過佢教我地o個班時都唔見得開心得去邊~ 所以呢個可能性都頗大~ )~ 台灣教授真係教得好好多... 起碼可以練下聽國語同埋精簡專業先啦~ 絕唔會up 廢話囉~ 下午去左開義工會~ 哎~ 爭唔嬴個公關post~ 做左文書~ 放學後同johnny o係荃灣呢邊睇電話~ 哎~ 我都好想轉電話呀... 然後就去左黃埔食元氣~ 好好味呀~ 不過無炸三文魚皮~ 有d 失望~ 之後我地買左好大盒雪糕，一路行一路一齊食~ 沿途都幾多人望住~ haha~ 因為係好大盒~ 不過幾好味~
5 th December, 02 Thursday
上午遲到~ 哎~ 唔可以再咁~ 主任堂黎架麻~ 得罪佢就死得~ 下午同亞瑩同iris 去行青衣城同食飯囉~ 買左好多野呀~ 成個師奶咁~ 一袋二袋~ 下午去補習，然後去火車站接iris ~ 去亞春屋企錄歌~ 因為要趕住交去參加比賽~ 搞到成夜晚1 點先回到家~
4 th December, 02 Wednesday
朝早響屋企訓覺~ 下午去補習囉~ 之後就去左網吧，因為下午見兔仔online ~ 原來佢返左網吧~ 咁我咪去見下佢囉~ 仲有免費飯吃~~~~
3 rd December, 02 Tuesday
今朝無去補習呀~ 因為都係病囉~ 下午就有去補~ 之後就梗係回家啦~ 無去街呀~ 病丫麻~ 死啦... 唔記得做個project..... 個homepage 都update 得7788~~ haha~
2 nd December, 02 Monday
今日無上學呀~ 因為我病得好勁囉~ 尋晚都知病，特登早d 訓，因為今日心理學要present 麻，唔想唔返，但今朝起身真係好辛苦~ 哎，都係返唔到~ 11 點起身去睇醫生~ 我最憎就係發燒，但我次次一有少少病就會發燒，好麻煩~ 發燒又會頭痛，所以我一有少少燒就會知道，唔使探熱~ 今次我有好多病~ 咩都有d 咁~ 扁桃腺發炎啦，傷風啦，咳啦，仲有發燒~ 好鬼鼻塞呀~ 今日成日都o係屋企訓~ 做左隻大懶貓~~ 慘，聽朝要早起身去補習~ 今晚要早d 訓，抖多d 先~
1 st December, 02 Sunday
咁就十二月了~ 可能尋日比煙攻又食左熱氣野，加埋夜訓同凍親~ 終於都病左~ 又係扁桃腺發炎囉~ 仲有d 傷風~ 下午就同家姐出去尖沙咀打算買衫~ 可惜esprit d 衫不太靚，買不下手~ 結果買只買了些零食回家~ 還買了一本書 -- 貓兒心理學~ 都頗貴唷!
MY DIARY!!! 傻貓日記 :)~