30 th November, 02 Saturday
今朝好早去補習~ 出左糧~ 不過都唔係十分開心o個隻，因為之前用多左~ 出左糧都係填返筆數~~ 下午去左網吧，坐坐下隔離兩邊來左2 個食煙既~ 攻到我好辛苦~ 夜晚去左吃糖水~ 甜蜜蜜d 糖水愈來愈唔好吃了，早知就行去芝麻綠豆食~ 夜晚用左尋日買o個隻野染髮~ 激死~ 我染得唔好搞到無咩色~ 好采都係$20 姐~
29 th November, 02 Friday
今朝我好唔願意咁起身上學，本來唔想返，但諗下我已經之前試過有2 堂無返~ 於是我只好逼自己起身~ 點知返到學校先有miss 入黎話亞sir 請假 -__________- 玩咩..... 但係好奇怪地，亞sir 係o係teachers' room o既.... 於是我去對面網吧打機等我無返既同學返黎同我去唱k~ 點知去到唱k 既地方時，佢發現佢跌左個銀包~ 最後，九巴o個邊幫佢執返，入面d 野都無唔見到~ 之後我地就照原定計劃去左唱k 囉~唱完k 返返去上埋下午o個堂~ 夜晚出左去同isha and 嘉欣and 亞威食飯~ 食左煲仔飯~ 好飽~ 隻腳重生水泡~ 痛死~~!!!
28 th November, 02 Thursday
今朝聽到電話鬧，但我噤熄左 -_____- ( 我梗係傻左 )，於是........ 我成9：15 先起身~ 之後拿拿聲著衫諗住返學啦~ ( 主任堂麻... 我諗佢都成10 點幾先黎上堂架啦~ ) 我9：45 去到小巴站，諗住10：１５度返到學校啦，點知... 無咩人呢段時間搭車.... 架小巴兜兜兜兜兜......... 兜客.. 搞到成11 點先返到學校....好采arm arm break~ 趁break 走入課室囉~ ~.~ 今日仲借左個計數機比kumy~ 返到去30 mins 後就放學lu~ 之後我出去網吧~ 又撞到michael~ 佢買左隻波斯貓呀~ 好想去睇下....... 之後我就去補習~ 補完就同johnny 去左沙田~ 我地行行行~ 買買買~ 死..... 我做左購物狂..... 哎.... 又洗晒d 錢~ 我想鬧下自己呀~~~~~~~! 你地下次見到我買野時鬧下我啦~ 夜晚我地食左pizza hut~ 好味~ johnny 送左條佢o係韓國買既鍊比我~ 都幾靚架~ 我都好鐘意~ 佢仲print 左我自拍既一張傻瓜相比我~ hehe~
27 th November, 02 Wednesday
今日唔使返學，咁我下午就去補習~ 之後同bird 去左元氣食~ 本來佢唔肯架~ 但我死扭囉~ 後尾梗係得逞啦 c.cv 之後我地就去睇戲~ 睇左the transporter~ 都ok 啦~ 個idea 都幾有創意~ 但就有d 似成龍d 戲~ 舒淇好靚呀~ 我有舒淇咁既身材就好勒~
26 th November, 02 Tuesday
嘩~ 真的好耐無寫diary~ 自從返左學都無lu~ 因為我太忙了~~~~ ~.~ 今日無咩特別，都係補下習咁~ 夜晚就同 7.7 同佢d 同學去睇戲~ 睇左 9 個女仔1 隻鬼~ 都ok 啦~ 係咁上下~ 港產製作...... 水準係咁架喇~ 有edison 搭救麻~ 真係好靚仔 =3= 發現stephy 隻腳都幾粗~
MY DIARY!!! 傻貓日記 :)~