31 st July, 02 Wednesday
今日早起去了荃灣諗住交學費~ 點知佢話唔知咩咩咩~ 總之就係無單o係度，寫唔到單比我~ 叫我第日再去交過~ 激死~ 咁做野都得~ 徙晒我d 時間and 車錢~ 去一去都要成2 粒鐘架麻.... 頂佢.....
30 th July, 02 Tuesday
今日都係打機~ 不過夜晚老老黎搵我食飯~ 去了我屋企留下吃~ 吃完就去打了機~ 呵呵~ 我係督督機之后~~~
29 th July, 02 Monday
今日寂寞依然係殺死一隻貓既~ 我成日都係屋企打機~~ 真慘~~~~ 除了打機~ 還有打機~~
28 th July, 02 Sunday
今日我諗住成日o係屋企打機的~ 點知我個電腦又壞左，個mon o係咁跳~~ 搞左成日都玩唔到~ 到而家先唔知點解玩到jar~ 我整左10 個鐘啦~~~~~~ 都唔知係咁arm 定點啦，bird 部電腦又係o係今日燒左~ 佢又係無得玩~ 哎~~ d 電腦今日痴晒線~~ 結果.................我成個下晝o係度無無聊聊~ 睇左" 常在我心" vcd~~ 套野ok 啦~ 一味得個慘字囉~ 喊到我頭痛~ 夜晚就哎.... 無無聊聊~ 睇下書，睇下電視咁~ 寂寞殺死一隻貓.......
27 th July, 02 Saturday
我今朝本來去見工架~~ 不過尋晚 ( 應該係今朝 ) 成7 點先訓得著~~ 但我要7點半起身喎~ 咁所以我咪遲左起身囉~ 遲左起身人地梗係唔請啦... 哎.... 真shit~ 晏晝本來係做promotion 既~ 點知落雨~ 所以變左o係春屋企唱k~ 唔知幾時再做勒~ 夜晚去了bird bird 屋企~ 我搞到mr bird 要搭通宵巴士~~~ sorry 呀.... 老老~ /_\ 最多我以後嬲你少d 勒~ 笑返啦~ honey~ ^3^ ************ 今日o係7-11 度執到$40~~~~~~~A_A***************
26 th July, 02 Friday
晏晝又係o係度打機~~~ 夜晚又係無飯食~ 我老老就來接我去加太賀食~ 我老老用左僅餘的$300 同我去食野~~ 真好啊~~ ( <-- 佢迫我要寫在日記的....) 之後我送佢去搭車~~~ (<-- 又係佢叫寫的...)
25 th July, 02 Thursday
晏晝o係屋企打機~ 夜晚同bird bird 出去食飯~ 去左kfc 度食 "備晶支轉"~ 之後去左green box 唱k 囉~ hehe~ ^^
24 th July, 02 Wednesday
今日又係打機日呀~ 無野做，夜晚本來係約左d 人去整補習宣傳counter o個d 野，點知好多人又唔黎，又唔齊喎d 野，整唔到d 咩~ 好快就散band，徙晒我d 時間~ 夜晚又係無飯食，我係超級市場度買左d 野返黎煮囉~ 哎...... 無錢麻.....
23 rd July, 02 Tuesday
今日咩都無做呀，成日係度打機囉 ~ bird bird 囉~ 約左d friends 去唱k~ 哈~ 唱k 唔預我呢個k 后~ 抵打~~ 打佢pat pat 先~ 我亞爸同亞媽都唔係度...... 我夜晚8 點幾至知，所以..... 無飯食 ~ 真慘~
22 nd July, 02 Monday
今日下午好晏先起身~ 夜晚就出了尖沙咀搵bird bird~ 我地去食了哈迪c~~ 之後行左陣就返屋企lu~~~
21 st July, 02 Sunday
今日好早起身~ 我以前的男友又來了搵我傾計，不過好快我就走了，因為我約了michael 佢地~ 我地去了灣仔書展~ 係呀~ 又去書展~ 無野買架，不過係幫kenneth 買左本孫燕姿歌譜~ 夜晚我地去左灣仔一間日本料理食~ 係任食架~~ 好好食~ 都好抵~ 不過佢地比埋我o個份，佢地真好呀~~~~
20 th July, 02 Saturday
今日去了開會~ 都無咩人到，真係麻煩~ 下午就去了bird 的屋企~ 夜晚是第一場的公會戰~ 以為實嬴緊~ 點知最後輸左~ 輸咩？我覺得係我地太亂囉，d 人唔係遲到就最尾先online~ 有d 人唔到，搞到唔齊人~ 最尾d a/c 調來調去~ 戰士玩jc a/c，弓手玩唔知咩a/c~ 亂晒~ 大家都用唔慣d 角色~ 又無準備~ 最衰就係唔黎o個d~ 人地嬴在好齊心，又多勁的戰士~ 好難殺~ 不過亞toy 好難得~ 特登搭的士黎參加~ 真係好~ 一開始我地d jc 就死左3個，因為有d 係用唔慣~ 哎~ 不過我好勁，只係死過一次~ haha~ bird bird 都有d 唔開心因為夜遊嬲了佢~ 不過大家都知係邊個錯~ 唔使唔開心既~
19 th July, 02 Friday
今日好晏先起身~~ 夜晚去了灣仔睇書展 with kenneth~ 去左間間書店都無晒張小嫻最新o個本小說~ 最後要去張小嫻o個個出版社度先買到，即係皇冠出版社o個個攤位~ 不過都好，有佢既書籤送~ 之後我同kenneth 諗住去哈迪c 食野，不過收左~~ 咁我地去左mcdonald"s 囉~ 好掛住好掛住我個bird bird 呀~~~~~~~~~~~~~~~~~~~~~~~~~~~~><
18 th July, 02 Thursday
今日去了剪頭髮~~剪得都幾滿意丫~ 夜晚去了食元氣~ 排左好耐隊呀~~ 不過好好食~ ^^ 同bird bird 食好食d 的 ^^
17 th July, 02 Wednesday
今天心情很down~ 沒有上街~ 可能是昨天比人拿了我龍族的a/c pk，online 後又即克比人用粗口罵~ 跟住我好朋友生日，佢話比我知佢男友點同佢慶祝，令我諗起我上年的生日~ 佢男友真的好好，好羨慕啊~ 原來謝師宴那一晚，她男友已經買了好大束花等她了，到她生日，男友又再送了一大束花 (聽講有10支玫瑰和幾支百合)~ 還在她沒有心理準備下送了她一條鑽石頸鏈~ 她感動得已打算嫁比佢了~~ 我前3年的生日都是跟同一個人過，17 歲那年，那個人送了我17 樣東西，有花，有朱古力。18 歲那年，那個人請我去了我說過很美麗的酒店食buffet，然後還給了我$500 津貼我買電話。到19 歲，我沒有一份禮物，儀式上地請我去了元氣食.... 然後我說要買powerpuff girls 的氣球，他說 $50 很貴，我說這是我生日啊，你不買我自己買，最後是買了，可是他不斷埋怨很貴很貴.... 最後很早就回家....回家還要裝著很開心。 $50 很貴嗎？是男人不會花錢在不愛的女人身上吧？ 今日bird bird 又成日掛住打機的事，跟他講十句說話也不答我一句，最後我索性不說話了。
16 th July, 02 Tuesday
今天跟friends 去了唱k~ 去了一間我十世都唔去一次的energy，唱下午平日都要成$70 ， 好白痴，歌又少~ 夜晚同bird去了看 long time dead，套戲都無我想像中咁差丫~~ 結局都總算合理，氣氛都唔錯丫~ 都好緊張~ 如果佢收得，實有下集，因為最尾留左伏線~ 不過佢唔收得~~ haha~ 之後我地去食野and 打機~ bird bird 呀..... 在街食了一個$20 的杯麵~ @@ 影相機好好玩呀~
MY DIARY!!! 傻貓日記 :)~