15 th September, 03 Monday
今朝無補習~ 因為太累同埋唔舒服~~ 下午照常去補習~ 不過有d 扁桃腺發炎.... 頭痛....
14 th September, 03 Sunday
今朝飲完茶買完cd 就返落黎hk~ 勁多人過關呀~~ 排隊排到停車場~~ 一落到黎就即刻去補習，仲遲左3 個字~ 補完就買野食回家吃~~~
13 th September, 03 Saturday
今日改左補12 點，補完就即刻去火車站上大陸~~ 上到去，就即刻去體育館睇show (飯都未食)~ 個show 有李籠兒同cookies，cookies.... 真的.... 很普通....~ 著埋d 波衫跳... 佢地究竟係做體操定係跳舞？好似我亞媽朝早做d 體操咁... 仲要係咪嘴.... 咁我做咩要買飛.... 我屋企都有mp3 聽啊~ 個show 夜晚10點幾完~ 完左先食我一日既第一餐~ 食完就返屋企訓覺豬~
12 th September, 03 Friday
好采... 你有再打黎~ ^^ 夜晚本來打算坐熱氣球... 後尾太多人都係無去到... 慘 /_\ 睇左黑幫千金要結婚~ 套野麻麻地~ ~.~ 新歌推介 -- 轉 by fayecat (右按另存目標)
11 th September, 03 Thursday
中秋節快樂!! 今日係中秋節呀~~~ 大家有無人月2 團圓呀？ 我今日無補習~ 因為...... 我今朝痛醒左2 次... 真係好痛... 焦命.... 今日我都損失左一份補習~~ 好慘..... 仲諗住下個月買mp3.... 而家應該窄左d 喇.... 因為我個timetable 唔夾o個份補習囉~ 哎~ 不過塞翁失馬焉知非福~ 我要努力搵過份!! 夜晚終於食到我既海鮮寬條麵~~ 好味~ 不過好"漏"~ 食完去左睇向左走向右走~ 套戲都幾好睇~~ 起初真係覺得佢地好慘.. 好近.... 又見唔到.... 如果成世都係咁.... 真係唔知點算... 好采最尾係happy ending... 睇完之後，我望下個月光..... 唔知響呢一刻... 有邊一個同我一樣.... 昂首望住一樣既月光呢？會唔會係你？ 好後悔我miss 左你既call.... 因為好似好難得你會打黎~ 新歌推介 -- 轉 by fayecat (右按另存目標)
10 th September, 03 Wednesday
今朝去補習~~ 補完就走返屋企~ 訓左2 個鐘又起身補習~~ 補完就返屋企做節~~ 食到好鬼濟呀~~~~~ 焦命~~ 新歌推介 -- 轉 by fayecat (右按另存目標)
9 th September, 03 Tuesday
今朝晨咁早返學校揀科.. 點知個counter 9 點半先開~ 有無搞錯~~ 尋日又唔比我交錢，白坐等左成粒鐘~~ 過份~~ \_/ 今個sem d 時間勁怪，搞到個時間表好核酸~ mon -- thur 都要返~ 慘~ 揀完就去左唱k~ 唱到點半iris 就走~ 我就去左netbar 坐到等補習~ 新歌推介 -- 轉 by fayecat (右按另存目標)
8 th September, 03 Monday
今朝去補習~ 補完就返學校啦... 點知iris 話佢無返 -_______-" 我自己一個人返左去，點知錢又唔比我交... 返去唔知做咩 -_____-" 返完去就走返出黎補習~ 補完就回家~~ 好累~~ 新歌推介 -- 轉 by fayecat (右按另存目標)
7 th September, 03 Sunday
今朝12 點幾就起左身lu~~ 睇埋張小嫻本書都未夠一點~~ 佢今次本書都ok 啦~ 中規中舉~ 比我一種幾舒服既感覺，不過又無咩好突出~ 又無咩傷感，無咩特別~ 好普通既一個故仔~~ 慘~ 江郎才盡~ 下午去補習~~ 個學生真勁~~ 我著左好多衫都凍到死，佢著短袖仲話熱~~ 就黎比佢搞到病~ 補完就返屋企lu~~
6 th September, 03 Saturday
今朝無去補~~ 好累麻~~ 下午去補習~~ 補完返左屋企~~ 差唔多10 點半就出去旺角~~ 行左陣就睇戀愛寫真~~ haha 都係午夜場~~ 我覺得套野節奏慢，如果唔鐘意睇呢類片既可能會覺得悶~ 但我覺得都唔差~~ 拍得好，同埋廣末個角色好搶，好神奇~ 佢咁短暫既一生，竟然係咁神奇同埋咁有影響力~ 好睇~ 今日買左勁多vcds~~~~~~
5 th September, 03 Friday
今朝要補習~~ 補死人~~ 下午睇多次新紮師妹~~ 真係幾好睇~~ twins 真勁~~~ 差唔多2 個月就出一隻碟~~ 仲未計arm arm 出左寫真~~ 佢地唔係搖錢樹就係生金蛋既雞，仲係有陪客功能o個隻~~ 楊生好勁呀~~
4 th September, 03 Thursday
今朝去補習~~ 累死~~ 補完返屋企坐左陣又再出去補~~~~
3 rd September, 03 Wednesday
今朝無去補習呀~~ haha 因為好懶囉~~ 改左friday~~ 慘~~ 咁我就4，5，6 都要補~~ /_____\ 下午去左補習~~ 好采佢好少功課~ 可以準時走~~ 真係好~~ 走o個時行過紙扎舖~ 買左個白兔有漉o個d 紙燈籠~ 好靚呀~~~ c.cv 新歌推介 -- Lover's Queen by fayecat (右按另存目標)
2 nd September, 03 Tuesday
今朝去補習~ 補完習落雨，問補習o個度借左把遮~ 走o個時撞到下午補習o個度個家長~ 佢話反正佢個女第二日返學都無功課做，加上打風~ 所以 就叫我今日可以唔使去勒~~ 響元祿食完lunch 就出左旺角交電話費~ 交完就返屋企勒~ 返到屋企就8號風球喇~~ 夜晚仲掛 9 號添~~ 新歌推介 -- Lover's Queen by fayecat (右按另存目標)
1 st September, 03 Monday
今日d 人要開學lu~~ 但我仲未~ 嘻~ 今朝又懶懶的，無去補~~ 我要努力d 喇! \+/ 今日成日都懶懶閒的過~~ 新歌推介 -- Lover's Queen by fayecat (右按另存目標)
MY DIARY!!! 傻貓日記 :)~