15 th July, 03 Tuesday
今日無野做~ 不過訓到好晏，因為我尋日唱k 唱到6點幾先回到家~ 新仔仲比左錢我搭的士返屋企~ 都算係咁啦~ 佢今晚飛lu~~ 2 個weeks 後先回來~ 唔知billy 幾時返黎呢？ 下午都係去補習，補完就回家囉~
14 th July, 03 Monday
今朝去補習~ 補完回家歇左一歇就又再出去補~~ 夜晚o個隻新仔又迫人同佢去唱k 喇~ 又係通頂..... oh god...
13 th July, 03 Sunday
今日下午去補習~ 特登早d 去到~ 哼 \+/ 今日都係未出糧呀...... 死啦.... 點好...？
12 th July, 03 Saturday
尋日又係傾電話傾到好夜~ 5 點幾先訓~ 哎~ 又補唔到習，又要推去星期一補返~ 我都覺自己好差 -___- 下午去補習又比人鬧喇~ 哎~ 點解仲未出糧... 點問佢好？
11 th July, 03 Friday
尋晚同成班人傾電話傾通頂，朝早11 點先收線，11 點先訓~ 訓到夜晚7 點半先起身~ 起左身就落街買野食~
10 th July, 03 Thursday
今日都係唔似放假既!!! 因為我都係好似平時既星期四咁都係一日補2 場~~ 死未~ 死未~!! 不過今日補完上午o個場同左kevin 吃飯~ 有人陪等下一場補習都幾好~ 補完夜晚o個場出左去tst 買野~ 因為我呢d 補習老師，d 紅筆虛耗得好快~ 我要出去無印買筆，而且去左i.t. 買左對mickey 鞋~ 真係好抵~ 本來想買埋bobbi brown ，但係發現tst lane crawford 原來係無bobbi brown counter 架~
9 th July, 03 Wednesday
今日開始放假，但係都唔似既!!! 因為我都係好似平時既星期三咁都係一日補2 場~~ 死未~
8 th July, 03 Tuesday
死得~ 又係通頂...... 哎~ 我仲要係無溫書就去考~ 又唔知社會學up 咩 -______- 但係我真係唔想再收多次，希望合格啦~ 我真係唔鐘意呢科呀~ 考完社會學要考禮儀~ 考完仲要去補習呀~~ 補完我就拿拿聲回家，因為真係好累呀.....
7 th July, 03 Monday
今朝都係補習，下午o個份補習完左後就返去考試~ 好采心理學我都幾識~ 應該唔會差過上個sem 既，除非今次比分緊左啦~ 夜晚返返下屋企，新仔話唔開心，要陪出黎唱k~ 但係我第日要後社會學~ 哎~ 點好~ 但係最終都係比佢lur 左出黎~
6 th July, 03 Sunday
聽日考心理學，所以今日除左補習外都係讀書~ 同埋上下網呀咁啦~
5 th July, 03 Saturday
唔掂呀~~ 今朝都係唔掂~ 訓得太少~ 通完頂黎應該訓死佢先補充到我既精力，所以我今朝推左補習~ 星期一再補返比佢~ 下午都係照樣補習~
4 th July, 03 Friday
唱通頂呀~~~~ 我今日仲要考電腦同影譯..... 我都覺自己好勁... haha~ 考完電腦吃完飯我即刻返左去學校找左個班房訓，原來班房係好好訓架~ 又無人嘈又有冷氣~ 正~~ 考完影譯我仲約左kevin 去睇新紮師妹2 添~ 簡直係勁~ 三十幾個鐘無訓呀~~ 到夜晚1 點幾先訓~ haha~ 新紮師妹2麻麻地啦，一貫千fa 笑式，但係比之前做得更差，開始o即都笑唔出o個隻~ 今套戲反而4 老出色過千fa~ 千fa 比人搶晒戲喇!
3 rd July, 03 Thursday
夜晚比人叫左出去唱k~~
2 nd July, 03 Wednesday
今日都係去下補習咁啦~ 無咩特別~~
1 st July, 03 Tuesday
今朝我點幾起左身~ 起身做咩？當然係去遊行啦~ 我驚塞車所以今日2 點3 就出左門口，照計我平時頂多計埋紅隧塞車15 分鐘就可到達維園... 點知.... 竟然遊行未開始，2點半就塞車，仲有，塞車其實唔係太關我地市民事，係d 交通警特登整到塞車，搞到我3 點都仲響灣仔o個邊，結果我地成車人叫司機比我地落車行去，行到去金百利已開始出現入維園既人龍，我地跟住人龍入百德新街再入維園~ 但係我地成個過程企多過行，要企30 mins 先郁得幾步，所以到5 點，我地都未行到維園入口~ 行到差唔多近維園既時候，先知道點解咁慢~ 原來除左係政府有意攔住d 人唔放人入維園外，仲有就係政府唔知點解明知o個條係遊行路線，竟然泊幾架大既旅行車響度，等我地塞實晒行唔到~ 政府用埋d 咁既賤招真係令到我地更加反感~ 係人都知政府咁做係得登搞到我地排幾個鐘入唔到就放棄，同埋等我地排到夜晚唔得閒未入到維園就要走先 (因為我自己都係夜晚有事做，下文再講)，搞到d 人夜晚9點都未入到去又要去食飯，入唔到維園等佢數少人d~ 其實政府一開始話要響維園隔離搞慶回歸活動同埋 打匯應通7月1 夜晚有餐食都知佢係想搶客架啦~~ 唔聽民意之餘仲要做呢d 野黎掩飾~ 好過份~ 講返遊行，我排到5 點半終於迫到警方開埋維園右邊既門比我地入，但係o個時我都差唔多要走喇，因為我夜晚要去做迎賓，我堂哥結婚呀~ 但係走o個時都唔係咁易，因為人民都塞實晒所有出入維園既路，我地好辛苦用左半個鐘先涉到出去causeway bay 地鐵站，搭到去 旺角再搭的士返屋企換衫~ 夜晚去深水步飲~ 原來我有個堂哥都係要去遊行無黎到，因為佢係教育界代表，所以唔去唔得~ haha~ 夜晚呢餐我地拿左好多野打包回家~ 因為我地成圍抬都自己人~ 而且我地o個圍得8 個，但係食十幾人既野食~~
MY DIARY!!! 傻貓日記 :)~