30 th June, 03 Monday
今朝唔使上堂lu~ 因為考左呢科啦麻~ 但我朝早要去補習~ 補完就出去旺角找亞瑩同iris，真厲害~ 亞瑩11 點去到旺角，所有karaoke box都竟然full 晒，我真懷疑d 人唔知幾點去~ 我地結果要等到1 點半先有得唱~ 唱到3 點半我就走先，因為我仲要去補習而我又驚夜晚o個堂趕唔切返去上~ 結果夜晚o個堂我都遲左個幾字~ 哈~ 董先生要學下溫總理啦.. 你睇下人地幾關心市民，就算只係得個樣都好丫~ 但係你得個樣都無，唔怪得人大叫倒董架播~
29 th June, 03 Sunday
今日下午出去補習~ 補完就買野回家煮~~~ 無晒錢lu~~~~~~ 激死.. 買完野食拎住好多野諗住搭的士返屋企~ 點知個司機唔知做咩行o個邊... (平時都唔會行o個邊) o個邊勁塞車... 發癲架~ 由我上車起，架車未郁到半條街已經條左2 次標.... 你話係咪激死~ 結果我搭左成 $26 ，原來我搭返屋企係唔使跳標架喎!
28 th June, 03 Saturday
今朝唔使補習，因為個小朋友要去觀禮喎~ 但下午就照樣要補囉~ 補完就買野回家吃~ 因為屋企無人呀~ 要自己食自己~~ daddy mummy 返左中山玩~~ 家姐又唔返黎食~ 收到亞瑩send 比我d notes ，但真係好多呀~ 我個printer 已經努力左2 個鐘喇~ 但都未努力完.... printer 加油啊!!! 千祈唔好無墨...
27 th June, 03 Friday
今朝返去考試~~ 哎... 打得180 字度jar~ 不過我諗合格掛..... 希望合格啦.......... 上完電腦就去左錄音比鄭小姐~ 然後我同iris 去左元祿度磨.. 磨時間呀~ 因為下一堂3 點8 先開始~ 放左學我就去左plaza hollywood 度睇黑白森林，點知去到先知無得做~ 於是睇左the hulk~ 套野都麻麻地~ 中間好鬼悶~ d 打鬥太長~~ 好悶呀..... 不過佢d 畫面都幾好~ 睇完先發現我唔記得左今晚要去食飯.... daddy 生日.... 於是我即刻打比mummy 話我頭先考試而家即到~ 但去到佢地都食晒野等緊我 -____- 原來好多人黎齊晒~ ~.~ 今日送左份禮物比亞瑩，見到佢好開心，我都好開心~ 買禮物最緊要就係想人開心~ 見到人地開心，付出少少金錢同心思都抵~
26 th June, 03 Thursday
今朝無去補習呀~ 因為太累~~ 下午響屋企練打字~ 練到4 點就去bonnie 屋企探bonnie~ 佢屋企都幾大~~ 仲好靚添~ 到5 點幾我就走喇~ 因為佢要同佢daddy mummy 吃飯~~ 佢聽日就走lu~~ 好唔捨得佢呢.... 希望佢快d 再返黎啦~~ 夜晚返到屋企都係繼續練打字...... 我聽日考，今日先學同埋練會唔會遲左d 呢... 哈...
25 th June, 03 Wednesday
今朝去補習~~ 下午就出左去旺角~ 買左勁多野呀~~ 又買野比人又買野比自己~~ 買左黑超b 閃燈手帶同埋milk 既介指... 又買左皇冠介指，豹紋大毛巾等..... 仲有買左禮物比亞瑩，學生同埋bonnie~ 夜晚睇左千機變~~ 都ok 啦~ 似笑片多d~ haha~ edison 超級的靚仔 + 型仔~~ -3-
24 th June, 03 Tuesday
今朝上上下堂，主任走入黎同我地訓話 -______- 因為學校發生左一d 事，令到我地都受到影響..... 真係好難想像到受罰既同學會做埋d 咁唔理智既事~ 都大個仔架啦..... 呢度唔係你屋企... 老師同同學都唔係你父母，唔係你做咩，我地都會原諒你而你又唔使負責任架~ 下午o個堂我地禮儀要考試~~ 好采~ 都幾易...... 夜晚我地又要考翻譯~~ 嘩..... d 野好長呀... 答左幾耐呀.... 寫到手都累.. 頭又痛..
23 rd June, 03 Monday
今朝無返，因為要去拿身份證... 早知整好d 個頭先去... 影左出黎都唔靚既.... 哼~ 拿身份證拿左好耐呀... 拿完就去左hardee"s 度食野~ 然後去補習~ 補完都好晏lu~ 不過好采... 夜晚o個堂個先生要開會， 吞遲左時間上堂，所以我都唔係遲左好多~ 拍拖係咪一定要成日都有拍拖既感覺？ 對好多人黎講可能唔係... 不過對於我黎講.... 答案會係 "係"~ 可能.... 我覺得幸福離我太遙遠了.... 我要努力去追尋.. 每一日都要捏到一些先會滿足...
22 nd June, 03 Sunday
訓得太多~ 所以發左好多好多夢~ 我發到candice 同一個男仔一齊，飛左佢男朋友..... 很奇怪.. 仲有發到我響間大屋度唔知做咩... 然後又發到edison 問我"方力申靚仔咩？"我話靚仔，然後佢話"你鐘意佢咩？" 我話"幾啦，鐘意得你呢d 曳仔多，要鐘意d 乖仔黎平衡下"~ 然後我就 醒左lu~~ 我d 夢都幾奇怪下..... 下午去左補習，個死人惡婆又響度嘈，話我入左屋又唔鎖門，佢係咪有病架~ 人地入左你間屋，你唔幫人閂門仲話人地唔鎖門？ 我鬼q 知你道門點鎖~ 補完去左jusco 兜左個圈，見到有hello kitty 內衣好平~ 買左一件~ 不過返屋企著左後覺得好透... 都係留返冬天著.... 因為響屋企會著晨褸~~
21 st June, 03 Saturday
哼~ 一朝早打來我就會原諒你架咩~？哼~ 你快點多謝自己，因為你揀了一個很好人的女孩子! 今朝又係要補習...... 哎..... 補完呢個又o個個然後又第二個，一日跑3 場啊...... 跑完3 場就出左旺角同笨笨的天河一起吃飯~~ 我地行左陣同吃過飯就走lu~~~ 無計啦.... 人家住得遠... 要早d 走去搭車...
20 th June, 03 Friday
今朝起身上堂~~ 之後去左唱k~~ 嘩~~ d 新歌都未唱晒就夠鐘~ 過份呀~~~ \+/ 唱完就返去上堂勒~~ 個亞sir 仍然係咁可愛既~ 呵呵~ 你個死人頭唔打比我？! 想死？我由9 點幾等到點幾~ \+/
19 th June, 03 Thursday
今朝又係補習~ 臨走時同個學生影左d 相~ 不過未upload~ 下午響屋企無無聊聊咁... 又d 徙時間既感覺... 下午又係去補習... 補完習就回家做埋心理學份essay~ 今次好快做完~ 因為都幾易寫~ 悶悶的一日... 辛勞的一日.... 不舒服的一日... 增肥的一日... T______T
18 th June, 03 Wednesday
今朝又要補習...... 嗚...... 補完呢個又補o個個... 我對住下午補習既呢個學生已經連續第五日喇，聽日係第六日喇~ 嗚.... 比佢激到嘔血... 先賺得雞碎咁多.. 出左糧仲要交電話費... 因為今日收到電話叫催我交喇... 哎.... 辛辛苦苦賺返黎既錢轉下頭又要拿黎交呢樣 交o個樣，結果自己無錢洗.... 都唔知為咩 /_\ 夜晚係咁趕份社會學essay... 緊係啦... 我仲有份心理學聽日要搞掂埋佢..... friday 要交.. /_\ 下午響屋企錄左想得太遠，按我右按另存目標聽下啦~
17 th June, 03 Tuesday
今朝無返呀~ 因為有d 胃痛~~ 下午返去，因為要present 禮儀~~ 我地唱歌present~~ 鄭小姐叫我地去錄音室唱錄比學校~~ 上完禮儀就即克去補習，因為驚等陣遲走又遲返去考試~ 點知... 返到學校，有d 人話唔知今日考試，叫亞sir 下個星期先考... 亞sir 又聽人點~ 搞錯..... 過份.... 我特登返去考試佢竟然因為有人無溫書而推遲.... 咁我早知今日唔返啦~ 反正佢今日無預備講書~ 8 點就落堂~ 上咩堂姐~ 徙晒我d 車錢~ 下個星期又要趕頭趕命返黎考試喇~ -_____-
16 th June, 03 Monday
今朝返學~ 返完就搭車出去補習~ 補完就一個人食野~ 食完就又上堂~~ 今日放好晏... 成8點半先放學呀... 返到屋企都10 點喇.. 嗚...... /_\ 返到屋企又找唔到d cd.... 我要燒隻cd 出黎聽日要做project present 呀.. 搵cd 搵到整親條腰~ 激死人喇 \+/ 連sammi 都過左去green box 同 newway 條line~ 我諗big echo o個d 都就執得~ 我諗梁詠琪響不久將來都會過埋去~ 你好呀~ 今晚唔打黎~ 好嬲 \_/ 激.............. 死.............. 我........... 喇!!!!!!!!!!!!!!!!!!!!!!!!!!!!!!!!!
MY DIARY!!! 傻貓日記 :)~