15 th June, 03 Sunday
呢排訓得少~ 所以慣左唔會訓咁多~ 今朝斷斷續續咁擇醒~ 12 點半起左身~ 起左身無幾耐又要換衫去補習~ 補完紅磡就過黃埔補第二場~ 好野~~~ 呢個六日賺了$500! 哈~~ 開心 ^^ 不過都蠻辛苦的... 今日響黃埔o個邊仲補多左成個鐘~ 因為佢唔識做功課 ~.~ 夜晚又出去酒樓吃飯~~ 我大家姐個男朋友請我daddy 吃飯~~ daddy 節麻~~ 我送左個銀包比daddy 囉~ ^^ 食緊飯時，亨少send sms 來話過來土瓜灣等我，我話唔好，但佢係咁話會過黎，不過好采，我無覆佢 d sms 後，佢無打過黎叫我落去~ 我諗佢見我唔理佢，佢都係改變主意唔過黎喇~ 夜晚發夢見到你做左寫報紙既人~ 我仲響報紙"巢"你寫既文章黎睇添~ 哈~ 不過個夢入面見唔到有你出場喎~ 唔制~ 我要今晚發夢見到你個樣 \+/ 哎....... 和仔鐵定了過晨曦...... 南華做咩啊？又唔要高尼路... 全華班？傻左咩~~ 亞邦仲要減人工... 哎...... /_\
14 th June, 03 Saturday
今日要補三場補習~ 朝早一起身就要去補習~ 個小朋友仲比我搞到喊添~ 因為佢媽咪問我佢今日乖唔乖，我話唔乖，佢就喊了.... 下午自己一個人吃左少少野就又去紅磡補習了~ 補完紅磡再過黃埔補.... 一日跑3 場很累啊... 不過再想想，努力埋明天，2 日夾埋賺左$500 喎! 做死都要做呀~~! 補完習，媽咪話有人請吃飯~ 叫我去酒樓，原來係堂哥請吃飯... 佢仲話不如買相機比我，叫我搵日同佢去百老匯揀~ 傻啦... 都唔熟... 受唔起呀~~ 今日全日都很掛住你啊...... 下午補習時唔聽得電話，見到你打了2 次來.. 有一次我仲係知道的，我感覺到電話響了很久~ 哈哈~ 我竟然偷偷地浮現了幸福的感覺~~ 嘻~ 我知道你也掛住我啊~ ^^
13 th June, 03 Friday
今朝很早地上學~ 因為iris 話亞sir 現在只點不遲到的名... 可是今天佢落堂先點名呢...... 激死~~ 落堂後iris 走了... 沒人陪我吃飯... 所以我都走了... 我叫天河出去跟我吃飯~ 因為本來都約了他今天放學後出去~ 我地去左元朗~ 但發現元朗無咩行... 所以坐車出tst~ 出了去，我們還是行... 行行行.. 行了去旺角~ 吃過夜晚飯後就去了網吧消磨時間~~ 到11 點度我地就走了~ 佢亞哥車了我回家~~ 夜晚亨少好像飲醉了... 逼我出去陪他外，還罵我次次都請他吃檸檬..... -_______-"
12 th June, 03 Thursday
今朝很不願意地起身去補習~ 補完就回家了，本來打算去做下gym 游下水~ 不過找唔到泳衣... 同埋很累~ 所以無做lu~ 下午又係去補習... 今日唔知咩事... 個個學生都曳到爆，呢個學生仲激到我頭痛，係我補左咁多年黎最嬲既一日! \+/ 補完同屋企人出左去食飯，因為我二家姐想請daddy 食飯~ 因為快父親節麻~
11 th June, 03 Wednesday
今朝去補習~~ 補完就搭的士轉地鐵去太古找我3 家姐一齊做gym~~ o個度個gymnasium 都ok... 不過d 設施好似有d 舊~ 做完就出返去補習~
10 th June, 03 Tuesday
很累很累.... 整天要上學... 8 點幾就起身要返學... 返到下午出去補習... 補完入返去返夜晚o個堂啦... 點知....... 響我上左van 仔無幾耐... iris 打來叫我唔好返... 可是我都已經上了高速公路... 於是... 便很無奈地搭到入荃灣總站.. 再由總站搭回土瓜灣.. 不過kevin 知道我既不幸後，就出左黎陪我食飯~ 食完打左陣機，佢就送我回家lu~~
9 th June, 03 Monday
今早又是要上學... 好可憐啊..... /_\ 落堂出去補習~ 因為加了堂，以後星期一也要跑出去補習啊~ 補完就一個人去吃東西 (因為整天都沒吃過東西啊.. 而我又趕著上下一堂.. ) 吃完就回去上堂.. 點知... 返到去先知... 老師說要開會... 叫我們走.. 那麼我搭$30 車回來幹麻？就是為了一個人吃東西嗎？ 今天穿的衣服被人玩了很久 -______- 像tatu 嗎？我覺得像吹sexophone 那些人多d~
8 th June, 03 Sunday
很久沒有機會訓到晏一晏了.... 今天以為有機會... 點知... 起身後才發現我忘了學生加了堂.. 2 點半要去補習.. 可是我發現得太遲了.. 我起身都已經2點... 唯有跟人家說對不起罷了.. 真可憐~ 那就少了 $90 啊~ 下午4 點幾出去補習~ 又給那個可惡的惡耆英鬧了~ 真慘....... /_\
7 th June, 03 Saturday
今朝很晏訓... 懶懶的打去給人家說生病不能補習~ 我覺得自己很壞呢~ 又給魔鬼支控了~ 下午去黃埔補習~ 補完就回家~ 悶悶的一天~
6 th June, 03 Friday
今朝去了剪頭髮和highlight 所以沒上學喇~ 整完頭就去了買vcd 上kevin 家看~ 反正我沒事做~ 留在家中也會悶悶啊~ 買了鬼鈴和沉默的羔羊~ 鬼鈴有點恐怖啦... 但又不太..
5 th June, 03 Thursday
早上懶懶的起床去補習~ 下午又是去補習~ 補完出去tst meet candice~ 我地打算看咒怨~ 由於時間緊迫，我地無時間吃飯~ 所以就 買了個便當入場吃... 我還真的第一次一邊看戲一邊飲面豉湯.... 而且由於戲院太黑關係.. 我地都看不清自己在吃的是飯還是三文魚.. (我們吃 刺身飯) 所以... 我們2 人都誤當了wasabi為飯... 當然是甘啦... 睇完戲我地就叫左bonnie 出來~ 我地打算等黎景林出黎.. (因為我地睇完戲時撞見黎景林同佢gf 去睇戲) 點知唔知點樣比佢地走左.. 我地都唔知~ 仲 等我地白等... ~.~
4 th June, 03 Wednesday
端午節快樂~ 今日係64 又係端午節~~ 今日我放自己假~ 咩都唔做~ 好爽~ *.*
3 rd June, 03 Tuesday
今日無返呀~ 因為太累~~ 下午補完習後約左kevin 出去睇衰鬼上帝~ 好好好好睇呀~~ 套戲好好好搞笑~ 搞笑得黎係唔會唧你笑o個隻咁膚淺~ 個故事後尾仲幾感動~ 而且套戲 係有message 帶出黎~ 有d 意思! 超正~ 10 分有9.9 分既戲~
2 nd June, 03 Monday
今朝早我有返學~ 好鬼乖~ iris 上完堂就走左~ 淨返我一個人~ 我去左買電話繩同埋去銀行入左錢就返左學校對面網吧打機等下一堂~ 上完堂就回家趕住睇衛c 理~ 今日自己行街時買左幾隻vcd~ meet joe black 啦... the thing 啦.. 同埋psycho~ 好想快d 睇添~ 但我今日無咩精神 ~.~ 死啦~ 諗下諗下... 發現自己好多野做... 中外新聞史... 心理學essay.. 電腦homepage... 電腦倉頡... 同埋就黎考試..... 哎.. /_\
1 st June, 03 Sunday
今日下午照常補習~ 夜晚去左家姐度食飯~ 佢屋企好正呀~ 響尖沙咀港景峰~ 條走廊好似酒店o個d 咁~ 佢住55樓，望出去係全海景~ 成個尖咀，jordan 同灣仔都睇到~ 佢地屋企有3 個房，2 公婆住~ 一間房要黎做hifi 房，專聽音樂既~ 一間工作房~ 佢地月租2 萬幾呀~ 好貴~ 不過我最鐘意係佢個地點~ 好方便~
MY DIARY!!! 傻貓日記 :)~