31 st May, 03 Saturday
今朝同下午都係補習~ 夜晚無出去呀~ 因為我家姐同佢老公返黎食飯~
30 th May, 03 Friday
今朝早無返呀~ 成日都響屋企無出過街~ 難得有得抖下...
29 th May, 03 Thursday
今日同平時一樣啦~ 朝早同下午都係要出去補習∼
28 th May, 03 Wednesday
今日係candice 生日~ 我12 點都有打比佢講生日快樂~ 佢就好啦~ 有得同男友去煙紉~ 有d 羨慕添~ 我好似好耐都未過過一個sweet sweet 既生日~ 對上o個個我認為係sweet 既生日應該係18 歲o個年~ 諗返起... 好似我由17 歲開始到而家，同我過生日既都係同一個人~ 夜晚約左bonnie 出去聯合~ 我地行左陣聯合就去左ikea~ 我終於買左o個張凳lu~~ 而家我成張電腦抬都係粉紅色~ 我想買d 毛毛圍住我個電腦mon框添呀~ 不過未買~ 買完野去左元祿食野~ bonnie 叫埋佢ex bf 去~ 食完我地就走~但係張凳好鬼重~ 而kevin 又響附近~ 所以叫佢幫我拎返屋企~~
27 th May, 03 Tuesday
今日無咩mood~ 唔鬼寫呀 \+/
26 th May, 03 Monday
今朝起身返學~~~ 但iris 叫左我起身自己又唔返~ -______-" lunch 同瑩食~~ 食完佢去做功課，我本來都打算做~ 不過見小雲佢地響度玩緊曼聯大富翁~ 所以我被吸引玩埋一份~ 不過 結果我破左產 -______-" 玩完我先做功課~~ 做到6：05，我就去上心理學~ 放學就回家囉~~ 前幾日睇1：99 音樂會覺得好感動啊~ 香港好似係咁多個受感染非典型地區中最團結最有愛既地區~ 醫務人員又有愛心盡責~ 連演藝界亦幫手籌款~ 我覺得我好proud of to be 香港人!
25 th May, 03 Sunday
今日下午起左身就去補習lu~ 補完習就買左d 野回家吃~ 夜晚都係整下呢樣整下o個樣咁~ 不知不覺就好夜lu~~ ~.~
24 th May, 03 Saturday
今朝起身去補習囉~ 慘~ ~.~ 補完就去左羅影印.... 羅完就回家整下個網咁~ 之後又要再出去補習~ 補補下胃痛.... 但係無計.. 我都要繼續補... 補完即刻去買野食返屋企食~ 可能食得少野所以咁胃痛~ 夜晚都係響屋企整網~ 除左係為自己之餘.. 唔多唔少都係為左交功課... 功課話要link 去講自己hobbies，但係我個page 應該無咩係講我hobbies~ 加上我反正想整個 page 講龍族~ 所以今日就整左龍族o個個page 勒~
23 rd May, 03 Friday
今朝要返學~ 所以要好辛苦咁爬起身~ 下午上完堂打算去唱k~ 點知... k box 竟然無位~ 都唔知咩日子呀今日~ 我同iris 於是唯有去元祿食野消磨時間啦~ 食完行左陣就返左去上堂勒~ 本來約左bonnie 放學去ikea~ 不過佢今朝打黎話佢要同daddy 食飯唔出得黎~ 下午我放左學就回家lu~~
22 nd May, 03 Thursday
今日dayoff~~ 但係今朝無去補習~ 因為我太夜訓.... 起唔到身.. 下午返左去見主任~ 我遲到~ 不過都無鬧我~ 其實返去都既無聊，因為只係好似一個talk 咁~ 講完就走得~ 個talk 仲要係講埋d 唔關我事既野~ 咩咩有人整左個網站鬧主任o個d~ 跟住主任就嚇我地話可以報警拉d 人~ 我都聽到一頭霧水~ 我唔合格2 科要比警察拉架咩？ -____-？ 唔好話我話... 其實佢地係咁講講講又嚇人~ 咪搞到更加多人知.. 咪將件事搞得仲大.. 其實佢地只要暗串or 暗示佢地會採取法律行動~ 咁就已經ok 啦... 唔使成個talk 講呢d 呀？都唔關我事~ 又要返去聽~~ ~.~ 聽完就出左去補習~ 補完習出左旺角~ 因為約左bonnie 出去~ 我地一見面就攬住lu~~ 因為好耐無見呀~~ 我地大家都好興奮~~ 咁arm 風又剛剛出左旺角諗住比d 碟我~~ 佢又剛剛睇到我地響條街度攬... 佢話我地好瘋狂喎 -______- 我地行左陣街就去左元祿食野~ 食完就去左gh 睇戲~ 原本打算等埋candice 一齊出黎睇~ 點知佢去左打馬吊唔出黎 \+/ 好過份呀~~~~ 睇左matrix reloaded~ ok 好睇啦~ 無我想像中咁好睇~ 可能好睇o個d part 都已經響trailer 度睇過晒~ 原本有100 個agent smith 同白面twins 係 有驚喜既... 不過... 呢d 驚喜響幾個月前已經通晒天~~ 根本都已經唔係驚喜了.. d cgi 特技的確係做得好正好好好好靚仲加左好多中國elements.. 不過打既場面太長... 可能cgi 係賣點所以要賣弄一下~ 但係咁樣又變左好怪.. 因為打既場面同劇情佔套戲既比例係 7：3~ 即係打就好長，講 故仔情節又一輪咀咁好急~ 尤其是公路o個part~ 真係長到呢... 不過都明既.. 佢搭得條公路出黎拍.. 無理由拍得o個幾分鐘咁徙既.. 最尾o個個keymaker 估唔到真係key-maker~ 有點搞笑... 個亞伯好怪... 一時好搞笑... 死o個時好正經~ 今集個故仔... 都加左好多weird things 入去... 有好有唔好啦.. 好就係故仔多變化無咁單調同埋creative d，但係.. 唔好就係有個感覺係為左拉長黎做先加咁多weird things 同埋故仔變到好複雜~ 仲有... 白面twins 唔應該咁快死~ 呢排興2 人組合呀~ 加上佢地咁勁~ 無理由咁快死~ 個ending 幾好... 令到人好想睇下半部! 同埋個個都唔希望zion 會毀滅咁慘架啦~ 所以都會希望下一集會有轉機~ 所以好想睇~ 下一集響外國要 nov 1st 先上~ 唔知香港要幾時？ 我同bonnie 發覺... 所有曉飛既野 eg superman，咩咩man 之類都係有袍既~ 所以keanu reeves 都係有袍~ 因為飛時會型d~
21 st May, 03 Wednesday
今日day off~ 不過要補習~ 所以都係要早起~~ 個小朋友攬住我話"好鐘意姐姐呀~~ -3- "咁~ -_____-" 補完習就回左家~ 打機... 終於升左1% -_____- 到下午4 點半我又要補第二場習勒~ 超級眼訓... 補補下都鐘左幾野~ 夜晚食完飯就訓左覺~ 不過到11 點幾就起左身lu~~ 所以到而家3 點都未訓得著呀~ haha~ bonnie 返左香港喇!! 好開心呀~~ -3- 真係好掛住佢~~~ 好耐無見過佢喇~~ 所以約左聽日出去~~ ^^
20 th May, 03 Tuesday
今朝好早咁起身返學~ 下午o個堂禮儀要測驗~ 死得~ ~.~ 上完禮儀就好趕咁趕返出去補習~ 補完又趕返入去上堂~ 因為亞瑩話呢幾堂都點名~ 點知...... 勁pk... 我今堂返佢又係唔點名 \+/ 痴線架!! 搞到我d 出席率咁低... 次次我唔返就點名，返就唔點! 係咪傻架! \+/
19 th May, 03 Monday
今朝本來諗住返學~ 點知...... 鬧鐘響完，我又訓返.... 結果上午o個堂無返囉~ 到夜晚我就返左去上心理學~ 死啦~ 我星期四要返去見主任.... 我諗係因為我肥左佢o個2 科同埋gpa 太低既關係.... 佢想同我傾下計囉... 其實 我都唔明點解我gpa 會咁低.. 我只係有2 科 4x 分，其他都有7x分，仲有科85分架~ /_\ 夜晚o個餐我終於忍唔住食左好多野 -_____- 仲食左雞添.. 不過我成日都係食左o個一餐~ 即係我由2 點起身到夜晚10 點先食野~ 中間完全無 食過野~ 不過我發現咁樣... 搞到我好頭痛.. 唔知係咪太耐無食野所以唔舒服呢~ 夜晚format 左個電腦，所以而家上到網lu~~~~
18 th May, 03 Sunday
今日都係要補習~ 補完就出左新世紀食飯同行街~ 響k2 買左條裙好靚~~ 不過當然我著起就無咁靚啦... 為左條裙.... 我真係要減肥呀 \+/ 但係點減............ /_\ d 牛死之前會流眼淚，好可憐..... 雞雖然好好味... 但係佢地都幾搞笑丫~ 行路彈下彈下... 所以... 唔食得佢地 \+/ (自己扼自己中)，食菜啦! 淨係食菜!!!!!!!!!!!!!!!!!!!!! 菜 好好味，菜do u good~ (又扼自己中... )
17 th May, 03 Saturday
今日下午去補習~~ 補完一場去第二場~~ 補完之後出左tst~ 因為我想買衫~ 不過睇唔arm~ 結果只係響2%買左1 件咁多多~ 哎...... 買衫先發覺自己真係愈黎愈肥~ 所以我決定減肥!! \+/ 夜晚諗住上now.com 睇小忌簾，點知佢話要我update brandband 上網舊野，我咪update 囉~ 點知update 完又裝唔到，裝返舊o個個setup 又裝唔到~ 新又唔得舊又唔得~ 唔上唔落~ 所以...... 結果...... 係上唔到網既 -________-
16 th May, 03 Friday
今朝好晏先起身~ 所以例排遲到啦~ 我上去返左幾個字就落堂lu~ 我返去都係為左點名~ 落堂後我出左去地鐵站o個邊~ 因為我去等風然後同佢一齊返我屋企~ 我電腦裝唔到icq，所以叫佢來睇下囉~ 不過睇完結果都係搞唔掂~ 我諗呢個問題都係幾嚴重 ~.~ 到下午5 點幾佢就要走lu...... 好衰呀~ 咁早走~ 哼 \+/ 嬲~ 夜晚終於整左我個profile o個板，一樣都係整左好耐~ 因為又係要用photoshop 畫野~ 同埋多左2 個連結響個page 度~
MY DIARY!!! 傻貓日記 :)~