15 th May, 03 Thursday
今日照常去補習啦~ 點知去到... 無人應門... 打電話又無人聽~ 都唔知咩事~ ~.~ 等左一陣間咁我唯有走囉... 激死囉... 要我無啦啦熱辣辣行上山再行返落山... 唔補就出句聲丫... 打個電話比我唔使徙好多時間呀？ 返左屋企沖左個涼之後就又要再出去補習勒~ 補完習就出左去旺角~ 因為我約左人去睇戲~~ 我地睇左向左愛向右愛~ 睇完兩隻眼紅晒行返出黎~ 頭都唔咁顎高~ 套野ok 感動啦~ 不過我係好易喊所以喊到咁~ 睇完戲之後去左neway 唱k~ 唱到夜晚4 點先走~
14 th May, 03 Wednesday
終於都到左day off 既星期三勒~~ 今日雖然day off 但都好勞碌~ 因為我下午2 點就要開始去補習lu~ 補完一場又要去紅磡補第二場~~ 補完我行過機舖~ 第一次試玩左time crisis 3~ 都唔係好難玩~ 我玩左3 次，最尾o個次都可以玩到stage 2 既一半先死~ 不過真係勁好玩呀~ 可以換武器好正~ 今晚終於都的起心肝裝修左個網頁既主頁，而家應該會靚d 同無咁亂~ 我整左成晚呀... 因為入面d 圖全部都要我整...要畫.. 我又唔係好識用photoshop~ 所以搞左好耐先整到而家咁~ 我仲整左個banner~ 接著我會續個續個板重裝架喇~ 不過我諗都要頗長既時間...
13 th May, 03 Tuesday
今朝好辛苦咁起身返學~ 好眼訓唷.... 上完禮儀我就出去開始補返紅磡o個邊既補習~ 佢今日第一日開學~ 都無書教~ 又早放喎~ 所以我無咩野做就可以準時走~ 我睇過佢個時間表~ 好慘呀佢~ 8 月1 號先放暑假~ haha~ 補完習回家行過機舖~ 見到間機舖有time crisis 3 玩，仲只係$5~ 好想玩，不過要等，所以無玩到就走左~~ 夜晚o個堂無上，因為反正上堂佢測左驗又點左名，今堂就應該無咩做同唔會點名~ haha~ 朝早聽到收音機話原來d 牛死前會流眼淚架~ 突然間我決定以後少d 食牛肉 (雖然牛就真係好好食... )，但係好不幸， 下午去o個間餐廳... 無雞扒... 唔係豬就要食雞翼... 揀無可揀之下... 我只可以食牛扒.. ~.~
12 th May, 03 Monday
今朝起身返學~~ (幾乖~~ ) 落堂後同iris 去左元祿食lunch~ 因為我地有coupon，所以每人只係用左$21 jar~ ^^ iris 4 點就要走，因為佢要補習，我6點先有堂，所以咪去左對面網吧打陣機先囉~ 點知我響game 入面撞到一個對我好重要而且已經好耐無打龍族既人~ 哈~ 估唔到原來我地都被人掩蓋了雙眼~ 不過... 我都唔介意呢d 係事實定謠言了.. 總之2 人的心向著大家，始終有一天會相遇的...
11 th May, 03 Sunday
下午本來打算去黃埔睇蕭正楠，不過後尾都係太累so 無去~ 不過我去唔去都係要去黃埔，因為我要補習~ 補完就去左隔離鼎太豐吃飯，因為媽咪節麻~ 我送左一紮花比媽咪，同埋一條電話繩~ 食完飯，我仲請左屋企人響芝麻綠豆食糖水~ 食完就回家囉~~ ^^
10 th May, 03 Saturday
今日下午起身就去補習lu~ 連補兩場~~ 補完就返屋企囉~~
9 th May, 03 Friday
今朝無返.... 因為真係好累~ 累到聽唔到鬧鐘~ 下午kevin 打黎話不如照出去啦~ 因為我原本約左佢夜晚出去，點知佢話無錢遲d 先去，我尋晚嬲左佢~ 今日咪打黎嗲我囉~ 夜晚我地都有出去，首先去左食元氣~ 然後去左睇戲~ 我地睇左how to lose a guy in 10 days ( 終於都睇左~ 呵~ )~ 套戲幾好睇~ ^^ 點好睇就唔識講~ 可能個角色已經好吸引(雜誌女編輯)同埋好女權既戲^^ ~ 睇完我地又去食野~ 食完就回家囉~
8 th May, 03 Thursday
下午出左去新世紀GH同小金，uma 同kaikai 去睇戲~ 我地去睇左夜驚客~ 套野都ok~ 話好驚又唔係好驚~ 劇情都係ok 咁啦~ 係我想要睇o個隻style 既鬼片，如果再多d 驚嚇同埋個故事複雜少少再加少少恐怖d 既死人場面會好好多~~ 睇完戲後，kaikai 就要走lu~~ (好衰 \+/) 咁我同uma 同埋小金就去左green box 唱k~~ 小金好勁~~ 超高音~~ 男聲又得女聲又得~~ 唱完k 就回家lu~~~~~
7 th May, 03 Wednesday
無咩mood ~ 唔想寫~ 比人誣衊，可以講咩？反正我講咩都會比人歪曲意思~
6 th May, 03 Tuesday
今朝o個堂無返~ 不過iris 幫我點左名~ 嘻~ ^^ 因為尋晚又失眠囉 -______- 2 點上床訓~ 訓唔著打左比人講電話~ 講到6 點終於都訓得著~ 所以 今朝起唔到身 -____- 下午上禮儀堂~ 教化妝~ 下堂要交功課~ 但係... 我唔知道自己係咩面型 -______- 點好~ 落堂後iris 約左人，咁我唯有叫nixon出黎陪我渡過呢2 個鐘~ 我地去左day day 飲野~ 飲完野我就返左學上最尾o個堂~ 今日test~ 要譯一篇野~ 好慘~ 不過是但啦.... 有得交就算~
5 th May, 03 Monday
今朝超痛 + 辛苦 + 尋晚3 點上床訓，五點先訓得著，所以今朝無返學，但係點知原來今朝真係唔使返的~ 因為紅雨~~ 下午比人評擊~ 不過算啦~ 此處不留人，自有留人處~ 我自問對得住良心就ok~ 不過當然唔多唔少都有唔開心既~ 話晒都係我羅個心出黎~ 人地羅黎咬~ 比人咬我個心當然痛啦~ 夜晚返左學上心理學~ 都無咩人返，全班得6個人~ 可能d 人以為唔使返~ 放學後kevin打黎~ 佢好好聲氣咁~ 我都估到有問題... 通常男人好似哈巴狗咁對住你搖頭擺尾時，佢一定係做左d 對你唔住既野~ 佢話：我講個故事比你聽丫.... 通常d 賭仔贏左大錢，遲早都會輸返凸~ 我聽到呢度已經開始火都黎~ 我隻mo mo 同元氣呀!!!!!!!!!!!!!!! \++++++++++++++++/ 點解佢要賭...... \+++++++++++++/ 贏左收手咪好囉~ 仲打 \+/ 死人頭!!!!!!!!!!!!!!!! 佢尋日贏左$500 今日輸左$800 呀!!!!!! .\/. 嗚嗚........ 哀悼mo mo.... 哀悼元氣壽司.... /_\
4 th May, 03 Sunday
今朝起身之後就去補習啦~ 補完諗住有餐好既食~ 點知..... \+/ 補補下習時，kevin 打黎話不如今晚唔同我去食元氣住~ 聽日先食~ 我o個時已經好嬲，第一，佢明知我補習唔方便聽電話仲打黎~ 第二，佢明知我最憎人應承左我野唔做~ 第三，佢仲要係為左打麻雀而甩我底 \+/ 憎死憎死憎死~~~~ \+/ 好嬲呀~ .\/.
3 rd May, 03 Saturday
今日我特登做d 起身~ 早d 出門口，食左野先去補習~ 費事比個細路個亞婆"疙" 呀~ 最鬼憎佢~ 成日響度嘈~ 補完習我去左買sushi~~ 間百佳痴線的~ 咩都有得賣~ 連玩具... 細路仔衫...都有得賣~ cd都有得試聽~ 真係過份~ 買完sushi 我就去左kevin 度~ 同佢一齊食~ 點知佢掛住打麻雀 -_____- 仲要輸錢添 -____- 佢話因為我響度 -_____- 但係好邪~ 以前都係...好似次次我響度佢都會輸錢的~ 佢話今晚無陪我(雖然佢打到10點幾就收左手陪我睇雷霆救兵)，聽日請我食元氣喎~~~ 都好~~ 有元氣食~ 嘻~ 盧巧音都開演唱會 -____- 唔係掛... 佢會唔會走音走到尾？ 一係會唔會唱完一場第二日就開唔到聲 ？佢咁嗌歌法~ 喉嚨竟然仲未斷~ 勁~ 夜晚搭的士去kevin 度時，個的士佬超搞笑~ 佢聽到我講電話後係咁搭嗲~ 叫我唔好要個打麻雀既男朋友~ 又話我同佢好襯~ 又話佢自己飛星國際好勁~ 然後又比d 報紙我睇~ 但係佢又真係上過好多報紙~ 原來佢係中醫~ 英文同中文報紙都有講佢~ 話佢神醫的士司機~ 佢仲拎左好多cert. 比我睇~ 真搞笑...
2 nd May, 03 Friday
尋晚3 點幾4 點先訓~ 今朝8 點起身~ 真係好慘~ 到夜晚我隻眼就黎乾到睇唔到野... 今朝返去考電腦test~ 個word 都仲ok~ 個倉頡就真係死無全屍~ 哎~~ /_\ 下午我地同埋亞浩佢地去沙爹王食飯，食完就開會lu~ seven 話要搞個好大型既肺炎籌款，仲話聯絡tvb 搞~ 但係我諗多數都搞唔成~ 不過搞得成就正lu~~ 咁到時tvb o個邊實搵埋d 歌星... 我地又係主辦搞手... wakakka~~ 隨時見到edison 同edwin 啊~~~~~~ -3- 開完會仲有成個鐘先上得堂~ 我同iris 就周圍蕩囉~ 蕩完就上去上堂~ 放學後我出左黃埔~ 因為去o個邊找billy~ billy 從上海返左黎~ 咁耐無見~ 我都幾掛住佢~ 我地結果都係出左旺角，因為黃埔無咩戲好睇~ 我地去金聲睇左 "絕世好男人"~ 套野ok 啦~ 呢d 戲係咁上下架喇~ 森美好搞鬼囉~ 我發現套戲賣點係森美 -____- 睇完去左壽司亭食壽司~ 好好味呀~ 不過billy 細食左好多~ 所以佢都瘦左好多~ 不過佢瘦極都唔會好瘦囉~ 不過無所謂啦~ 佢點 既身型都係唔靚仔架喇~ kakakaka~ 食完野行左陣，佢就送左我返屋企回家lu~~~~~
1 st May, 03 Thursday
今日係公眾假期~ 但係對於我黎講係蝕左囉~ 因為我原本都係day off 既~ 夜晚同街坊去左食野~ 然後行左過黃埔睇x-men2~ 真係幾好睇~ 套野又長~ 勁抵睇~ 長得黎又唔悶~ 同埋佢無上集咁做到咁趕~ 上集 d 人物線太亂太急，今次就無呢d 缺憾，劇情豐富鮮明，尤其喜歡最尾好人變壞人 (其實先前已留下伏線，此處亦做得出色)，讓人更期待下一集~ 今集主要揭開狼人身世之謎~ 但又唔悶~ 好睇好睇~ 抵睇抵睇~ 講開戲~ 我好想睇8 號上既幾套戲~ 包括how to lose a guy in ten days (呢套野我3 個月前已經知canada o個邊上左同埋已經係勁想睇~ 點知要等到而家先上~)， 夜驚客，凶群出洞，向左愛.向右愛同百份百感覺~ 呢幾套必睇~ 另外仲有很期待的電影matrix reloaded~ 見trailer 佢d 畫面真係勁靚~ 真實得黎做到假野所能夠做到的超靚動作~ 而且matrix 既第三集仲會響第二集上畫後幾個月上埋畫~ 真好~ 唔使好似harry porter 咁等到頸都長~ 結果連主角都變晒樣~ 睇完戲就回家~ 但係我仲要做埋個心理學report，因為聽日前要send 比我另一組員做結尾~ 做完心理學，我仲要想下辦法點考聽日個電腦test....
MY DIARY!!! 傻貓日記 :)~