30 th April, 03 Wednesday
今日好早起身~~~ 因為一路都諗住今晚既事.. 訓唔返~ 下午響屋企做新聞翻譯份功課~ 真係好難譯~ 有咩理由第一份功課就比一大篇軍事既野比我地譯架~ 真係想譯死我~ 然後到夜晚又比人放飛機...... 我以後都唔會再咁易信人講野~ 我好憎好憎好憎期待--> 失望o個種跌落谷底既心情~ 好憎.... 仲有心理學report 未做........ 仲要諗個辦法搞掂星期五電腦個test.....
29 th April, 03 Tuesday
今朝o個堂無返.... 下午打算返學返下午o個堂啦，點知個鄭小姐(老師)又請左假~ 之後o個堂6：50 先上呀... 我同iris 咪唯有行街囉... ~.~ 終於買左o個個犬犬袋~ 仲幫佢改左個名~ 叫國強~ 係咪好man 先~~ 英文名叫亞miu~ 因為佢成日瞄瞄叫~ 呵呵~ 行街行到腳都斷.... 所以就好早食夜晚飯~ 可以坐下麻~ 我地五點半度就去左元祿食~ 好好味呀~ 又抵~~ 食左好多~ 所以到夜晚好好好夜都唔肚餓~ 夜晚o個堂個亞sir .... 8 點半就落堂.... 佢真係丫... 呢d 咪就係大學同大專既分別囉~
28 th April, 03 Monday
今朝一早就起左身~ 因為好早醒左訓唔著~~ 睇左幾個avril 既mv~ 原來響外國做歌手都幾好~ 又可以響大廈天台開 音樂會party~ 又可以響碼頭上面搭個台開concert~ hm... 有點鐘意幫avril 彈結他同唱和音o個個blonde 男仔添~ 早知今朝唔返~ 因為亞sir 竟然唔點名 \+/ 太過份喇~ 下午同左iris 唱k~~ 因為我6 點1 先有堂~ 我地唱完k仲行左好耐街我先夠鐘~ 洗左好多錢添~ 陰公~~~ 夜晚上心理學要present~ 我其實有一個theory 唔係好明~ 份資料又無例子解釋喎~ ~.~ 搞到我講完之後比鄭小姐問我... 叫我講多次.. 又叫我舉例... 我自己都唔明... 點舉呀... 結果.. 我臨急諗左個例子... 點知.. 又比我講arm 左喎~ 呵呵~ 真係好~
27 th April, 03 Sunday
今日一起身就又要去補習勒~ o個個學生個呀婆好麻煩~~ 憎死佢呀~ \+/ 補完就返屋企食飯勒~ 突然好想回到幼稚園既時候...... 睇下我地有無見過... 究竟有無呢？
26 th April, 03 Saturday
今朝起身後就要去補習lu~~ 我買左麥記上去食~ ( 其實我次次都係上到去先食野的~ ) 佢個亞婆問我係咪好趕做咩未食野~ 我話唔係呀~ 晏起身麻~ 我都唔敢講我剛剛先起身~ 不過我諗佢應該都get 到 -___- 補完就買左櫻桃小丸子食~ 好味呀 ^^ 仲諗住補完返屋企時撞下佢添~ 點知我仲遲過佢返屋企 -______- 海濱花園有2 棟野有肺炎喇~ 好恐怖呀~ 真係有d 驚.... 紅磡近家維村又有... 而且我個學生家長做法國醫院護士既~ 法國醫院又有醫護人員中招呢... 驚驚呀...
25 th April, 03 Friday
今日返學~~ 好早起身~ 好似好耐未上過呢堂~ 下堂又要考word~ /_\ 下午同iris 去green box 唱lunch k~ 唱完就返學繼續上下一堂~ 姚普光又黎搞笑 -____- 佢話下堂講leslie 鬼魂響文華出現既新聞喎~ kaka~ 搞笑~
24 th April, 03 Thursday
今日起左身後就出左去旺角gh~~ 因為約左uma 去睇"johnny english"~ 套野都幾搞笑~ 好唔好睇？好睇過mr beans 少少咁囉~~ 睇完戲我地行左陣街~~ 響toymart 度見到隻momo 好平呀~~ 但係諗下... 我無咩錢喇呢個月... 所以就唯有放棄啦... T_T 我地行完就去左green box 唱k~~ 唱唱下時諗下.. 都係好鬼瓜住momo 所以..... uma 幫我走左過去買~~ ! ^^ mo mo 現在好靚咁安躺響我既床上勒~~ ^^ 要睇下佢？去我個gd 88 相簿睇啦~ ^^
23 rd April, 03 Wednesday
今日一起身就出去lu~~~~~ 因為我約左johnny 響新世紀~ 我地行左陣就去食野~ 食完野就入場睇波勒~ 亞邦今日做後備呀~ 但係... 最衰係個個都傷晒... 搞到要調晒其他位置既後備出去... d quota 無晒... 亞邦結果無得出場~ /_\ 真係好慘呀... 希望亞邦唔會唔開心啦~ 我永遠都會支持佢架~ 佢走時我同佢影左好多相呀~ 仲同鐘浩賢影埋添呀~~ 要睇？去我個gd 88 相簿睇啦~ ^^
22 nd April, 03 Tuesday
今朝無返學呀~ 因為我懶 -___- 不過下午就要返勒~ 因為要present 麻~ 個video 真係拍得好搞笑囉~ 連我知道d 劇情都忍唔住笑死~ 我一定要佢地send 返比我keep 段tape 架~ 放學就返左屋企~ 夜晚o個堂無返呀~ 因為...... 懶 -____-
21 st April, 03 Monday
今日都係去tst拍野~ 我要扮大佬~ 個個都話我扮得好搞笑好似喎~ 可能我是天生的演員~ 呵呵呵~ 等我 得閒寫信去參加o個個咩咩鬥一番先~ 呵呵呵~ 夜晚同kevin 吃飯~~ 雞扒真係好好味~
20 th April, 03 Sunday
今日出左去tst 拍禮儀project 個video~~ 好辛苦呀拍得... 又曬喎.. 希望出黎個效果會好啦.. 最緊要就係要高分 c.c 拍完我就去補習勒~ 真係辛苦 /_\
19 th April, 03 Saturay
死... 我開始唔記得... 我呢日做過d 咩呢？
18 th April, 03 Friday
咁耐無寫diary... 唔記得都好正常姐... 係咪？
17 th April, 03 Thursday
唔記得.......
16 th April, 03 Wednesday
唔使返學... 我真係唔記得做過d 咩...
MY DIARY!!! 傻貓日記 :)~