15 th April, 03 Tuesday
HAHA~ 我好耐無update~ 所以唔記得做過d 咩lu~
14 th April, 03 Monday
個god damn netvigator~ 成日響度cut 線~ 次次勁cut 線打去hotline 就唔通~ 打得通時我同佢講啦~ 佢叫我熄modam 再開過就會好d~ 點知... 我熄左後的確係好過一排... 之後就... 一樣係勁cut 線囉~ netvigaotr sucks -__________________________- 今朝睇下有肺炎o個個list~ 發現家維村同埋海濱花園都有人有肺炎呀! 哎... 即係唔使補習唔使返學架姐~~ 尋晚響now.com睇左幾集百份百感覺~ 幾好睇喎~ 諗住今日再睇幾集~ 但以而家係咁cut 線既情況黎睇~ 今日都係唔使睇架喇...
13 th April, 03 Sunday
今日起身都係要去補習~~~ 夜晚補完習就出去旺角勒~ 約左kevin 響旺角等~~ 我地去交電話費同埋去左味千食野~ d 八爪魚好好味 ^^ 吃完飯行左陣就回家lu~~
12 th April, 03 Saturday
下午起身~~ 一起身就要準備去補習勒~ 夜晚補完習好鬼肚餓呀~ 原本打算去旺角交電話費既~ 不過... 唔得喇.. 好餓~ 所以我就去左買sushi 回家吃~~~ 好好味呀~~ 仲有甜品添 ^^
11 th April, 03 Friday
今日無野做~ 所以成日響屋企打下機呀，聽下歌呀咁~ 部電腦好正 -o-
10 th April, 03 Thursday
今日都係唔使補習，下午去左超級市場買零食~ 買完就接埋michael 上我屋企~ 因為佢搬左佢屋企個電腦黎比我用~ 太好了~ 真的不知道怎樣多謝佢~ 個電腦的確很快呀~ 打機唔lag，總之可以做好多野啦~ ^^
9 th April, 03 Wednesday
今日無野做呀~ 又係唔使補習~~ 夜晚同michael 同埋miffy 同埋佢地個女仔fd 一齊食飯~ 我地去左一間響tst，叫無間道既舖頭度食~ 估唔到又幾好食架喎~ 個飯好好味呀~ 上面有芝士架~ 食完就去左新港睇戲~ 終於睇左the recruit，套野幾好睇~ 唔錯~ 個佈局幾好~ 而且唔睇到最後都估唔到原來係咁既~ 夜晚同龍族一個人傾計~ 突然間明白左好多野~ 算啦~ 原來我一直都唔係幾了解佢~
8 th April, 03 Tuesday
今日都係好晏先起身~ 起身都仍然係好頭痛~ 尋晚發夢我去日本旅行~ 但係唔記得執行李~ 到臨上機前半個鐘先醒起~ 於是即刻執行李~ 未搭的士去機場就已經嚇醒左~ -___- 可能我太想去日本喇~ 下午都係無無聊聊上下網呀咁~ 如果我身體健康就好喇~
7 th April, 03 Monday
今日唔使補習~~ 成日都響屋企~ 好晏先起身呀~~ 下午都係響屋企上下網呀咁~ 不過討論區o個度好多人話leslie ~ 因為龍族響game 度整左個墓碑比leslie~ 有d 人唔抵得又唔鐘意leslie 就響度嘈囉~ 哎~ 都唔明點解d 人咁黑心~ 人家又無害你~ 仲咩仲要去鬧個死人丫~ 夜晚超級頭痛~ 死啦~ 我可能真係有肺炎~ 如果有一日我突然間好多日都唔update diary，咁即係話我可能已經入左醫院喇~
6 th April, 03 Sunday
今朝一起身就要去補習喇~ 因為我3 點先起身~ 補完就買左sushi 回家吃~~ 個學生家長話下個week 都照補2 日~星期六同星期日~ 發囉~~ c.c 一日$180~ 兩日 $360~ c.cv
5 th April, 03 Saturday
今朝唔使補習~ 因為個學生要去拜山~ 下午起身時探熱~ 無晒燒~ ( 好采~ ) 不過我仲係覺得氣管好乾咁~ 不過應該無事既~ 因為無發燒~ 下午去補習~ 個學生家長話反正放假，不如聽日補多日~ 我梗係話好啦~ 賺多$180 喎~ 呵~~ 夜晚補完就回家食飯喇~ 我呢幾日幾乖女~~
4 th April, 03 Friday
尋晚有2 聲乾咳~ 死啦~咁似肺炎徵狀既．．． 驚驚... 下午同媽咪去睇醫生~ 醫生幫我探熱~ 果然我係有燒.... 然後又問左我好多問題同幫我用聽筒聽晒我全身~ 我媽咪問佢我係咪中招~ 佢話"如果係肺炎應該唔會咁低燒既，我諗唔係肺炎黎"~ "不過可能初初起會低燒，所以你要自己留意下，睇下會唔會唔退燒"~ 睇完醫生我地即刻去買左探熱針~ 夜晚食左d 藥咪訓囉~
3 rd April, 03 Thursday
今朝都係唔使補習~ 下午就去紅磡補習~ 補完就回家~ 都唔想出街lu~ 費事乃野啦~ 我呢幾日都頭痛~~ 真係驚有肺炎~~
2 nd April, 03 Wednesday
今朝無去補習呀~ 因為想呢個禮拜抖下~ 都係訓多d 抵抗力好d 好過~ 下午起身去尖沙咀esprit 剪頭髮~ 都無咩人去剪~ 響o個度食左個杯麵~ 未食lunch丫麻~ 個hairdresser 話我個頭只可以tune 返色~ 如果想再highlight 就要漂~ 我又唔想漂喎~ 1 來好傷，2 來我4 點半要去補習~ 無咁多時間~ 所以我只有叫佢幫我tune 返色~ tune 返紅d 囉~ 我諗我好快又要再去highlight~ 剪完就去補習~ 補完就回家~~
1 st April, 03 Tuesday
今朝記錯左以為要去補習~ 傻左 -___- 到下午突然見到上網o個眼燈又著返~ 即刻就connect 下睇下得唔得~ 試左2 次後終於都得左~ 不過眼燈時著時唔著~ 搞到我上網窒下窒下~ 有燈時就ok 無問題~ 無燈時就load 唔到野~ 不過都要頂住先~ 遲下睇下係咪仲係咁啦~再係咁就打去netvigator 度嘈架喇~ 大佬~ 我比緊錢你架~ 下午都係如常去補習~ 不過我個學生原定響 7 號舉行既考試就取消左~ 因為未教晒書喎~ 咁我就唔使幫佢溫書勒~ 不過都要趁呢幾日溫返晒佢之前教落既書先~ 一開學又唔得閒溫架喇~ 補完習同michael 去左睇the core 首映~ 我只能說呢套戲真係幾正~ 大家一定要睇~ 娛樂性很夠~ 而且idea 很新~ 我最鐘意就係睇creative 故事既戲~ 相信大家都未睇過鑽落地底炸core 既戲~~ 很特別及新鮮~ 睇完戲去左一間日本野度吃飯~ 叫左好多好味既野食~ 個南瓜雪糕很特別又好味~ 真的要多謝michael~ 又要佢破費了~ 當我地吃緊甜品既時候 (亦即係吃緊好好味既南瓜雪糕時)，電視播映新聞，我同michael 都留心看... 但係就不斷的聽到壞消息~ 最令人痛心既莫過於係leslie 既死訊~ 第二就係淘大花園e 座所有住戶相信已經感染到肺炎~ 接著是美伊戰爭開始傷了很多的平民~ 最後是中環開槍案~ leslie 去世.. 好突然...佢剛剛先同twins 拍完你最紅mv 客串~ 我覺得無左佢就好似硬係少左d 野咁~ 佢的確對我地/ 樂檀作出左好多貢獻~ 我好鐘意佢既歌.. 佢既戲... 佢既電視劇集.. 由monica 到追... 由阿飛正傳到靈異空間.... 仲有佢好經典既濃本多情電視劇.... 哎... 很down~ 我都明白到人死不能復生~ 現在只是希望人們能夠尊重一下死者~ 亦希望佢安息~
MY DIARY!!! 傻貓日記 :)~