31 st March, 03 Monday
今日無野做~ 但係起身時發覺上唔到網~ 我都唔知係咩問題~ 我諗係個線路問題~ 因為線路o個眼燈唔著~ 下午無野做咪睇左隻" the sum of all fears" 囉~ 麻麻地啦~ 個故事都唔差架~ 不過可能套戲係講政治既野~ 又講得幾複雜~ 所以唔係太好~ 同埋成套戲d 燈光都好黑~ 拍得唔好囉~ 不過bush 都應該睇下呢套戲架~ 和平一定係好過動武既~ 睇下結局係停止戰爭，恢復和平幾皆大歡喜~ 睇完套戲就去左網吧~ 因為我無可能一整日都唔上網既~ 咁我會死架~ 到夜晚就撞到michael~ 佢剛剛響淘大o個邊收工~ 佢都幾慘呀~ 響o個邊做左4 日~ 話唔驚就假~~
30 th March, 03 Sunday
抖左咁多日~ 好舒服呀~ 起身都精神d~~ 嘻~ 下午同炎去左ua 黃埔睇凶房~ 麻麻地啦~ 都唔係好驚~ 個故事就一般~ 唔夠刺激~ 太無新意~ 多d 驚嚇場面同故事新鮮d 會好d~ 不過炎好似好驚咁~ 今日都唔算好少人睇~ 都有成6個人架~ 計埋我同炎~ 好過o個日~ 睇完就去食野~ 食完就回家~~ 抖左幾個字又要再出去~ 因為我亞婆生日~ 我地要去食飯~ 好野~ 有壽包食~ ! ^^ 今日土瓜灣都有一單肺炎呀.. 我今日行過o個邊時我都有戴口罩~ 驚驚麻~ 雖然知無咩用架喇~ 但係心理上有安全感d~ 好耐都無update 過個diary~ 懶丫麻~ 呢排放假得閒就整下佢啦~ 之前有好多可能會唔記得左自己做過d咩... 請原諒~~
29 th March, 03 Saturday
今朝好肚痛呀~ 又眼訓~ 所以打去個學生度~ 扼佢個家長話我好似有d 感冒徵狀，我都未開聲話唔黎佢就已經好快咁話：咁你唔好黎喇~ -____- 好丫~ 正合我心~ 本來中午時約左d 同學出去傾project~ 不過我見肚痛~ 所以打比佢地話我唔舒服唔出囉~ 下午o個份補習就照常去~ 嘻~ 有糧出lu~ 好開心~ 夜晚去左隔離jusco 買sushi ~ 然後又去左芝麻綠豆度買櫻桃小丸子回家吃~ 哈~ 今餐晚餐好豐富耶~ 出糧要好好獎勵一下自己~~
28 th March, 03 Friday
今日無野做呀~ 夜晚出左去租碟同還碟~ 夜晚去左炎網吧度睇借左o個隻while u were sleeping~ 好睇呀~ 雖然舊左d~ 睇完就回家囉~ 夜晚時發覺.... oh my god!!!! 好開心... 好采囉... 之前嚇鬼死我呀~ 不過成52 日呀!! 痴線架... 最遲既一次呀~
27 th March, 03 Thursday
今朝去左補習~ 晏晝約左細勛食飯~ 佢quit 左school 後第一次見佢囉~ 好似好耐無見咁~ (其實都真係幾耐無見~ ) 所以都幾多野講~ 佢而家響紅磡o個邊返工~ 所以就約我出黎吃lunch 囉~ 我地去左加太賀度食~ 補領加太賀card 都唔係好貴~ $20 jar~ 吃完我未夠鐘補習又費事回家咪去左網吧打算打一陣龍族囉~ 點知o個個死龍族唔知搞咩鬼無啦啦有問題... 有bugs 之類啦~ 下左線維護... 4 點半先開返~ 超~ 我就係補4 點半~ 搞到我坐響網吧on 居居玩d 白痴game~ 夜晚補完習就約左kevin~ 因為佢要問我借收音機考listening~ 我地去左元氣食飯~ 超好味呀... 好似好耐未吃過... 佢新出左隻刺身飯好味又好抵~ 而家仲好想食呀... 不過我去補領張元氣card 就貴囉... $100 呀.... 但係唔補又唔得~ 張card 至到06 年架麻... 我又成日去食... 無計... 都係要豪比佢... iris 夜晚打黎話我地聽日開始停課呀~ 好野唔使返可以抖下~ project 可以遲d 交喇~ 不過遲d 都係響暑假扣返架喇~ 陰公~
26 th March, 03 Wednesday
今朝照常都係要補習~ 補完就約左炎去ua 黃埔睇鬼潛艇~ 成個戲院得我同佢同埋另外一個人睇~ 好似包廂咁~ 抵丫~ 不過套戲就麻麻喇~ 又唔驚~ 算罷啦~ 睇完就去食野然後就去補習~
25 th March, 03 Tuesday
今朝返學囉~ 下午就出去補習~ 夜晚o個堂無返去上lu~
24 th March, 03 Monday
今日返學囉~ 無喇~ 唔記得做過d 咩喇...
23 rd March, 03 Sunday
死... 唔記得左做過d 咩...
22 nd March, 03 Saturday
更加唔記得....
21 st March, 03 Friday
我諗返學掛？唔記得呀...
20 th March, 03 Thursday
今朝好懶呀~ 無去補習~ 我唔可以咁架~ 唔係就會比人炒架喇~ 下午起身知道美國終於都開戰~ 哎~ 希望可以盡快速戰速決啦~ 唔係d 人民就要suffer 好耐了.. 點解我地人類要用武力or 武器黎維持和平呢？好矛盾呀... 下午都係去補習~ 補完打算返屋企既... 因為我想回家睇電視... 睇下美伊既消息~ 不過kevin 打黎死都要我出去食飯.. 咁我唯有同佢出去啦~ 食完飯就回家lu~~
19 th March, 02 Wednesday
今朝去補習~ 補完就回家~~ 下午4 點幾又再去補~~ 夜晚同成出左去~ 我地去左neway 唱k~~ 唱到11 點幾就走~ 之後響炎度睇左隻暗戰~ 真係幾好睇喎~ 成套戲又有得諗又有得笑~ 好睇好睇~ 唔知點解o個時我無睇呢？
18 th March, 02 Tuesday
今朝訓晏左~ 無返學~ 不過iris 又係~ 都話唔知點解唔返佢都會唔返~ 但係我地無夾定~ 佢好似話唔舒服~ 希望佢快d 好啦~ 下午4 點幾去左補習~ 補完又去租左碟~ 夜晚一連睇晒2 隻~ 一隻係" 我愛beckham" 一隻係 "high crimes"~ 我愛beckham 又係一套實踐理想既戲~ 再睇咁多呢d 戲我會好慚愧架喇~ 因為我好似無為自己既理想努力過~ 可能係知道自己唔得既關係~ 套戲亦又提印度既封建其實扼殺左好多人既快樂~ 不過我諗呢個世代或者o係我地身上都體會唔到架喇~ 呢套戲入面既教練好靚仔呀~ 另外o個套high crimes，其實之前未上畫我都想睇~ 但係到上時可能無宣傳or 唔收得~ 落埋畫我都唔知~ 呢套戲個故仔一流~ 不過可惜拍o個個拍得唔夠好~ 唔夠tense~ 應該可以再好d，tense d，音響好d 震撼d~ 咁就真係一套超正既戲~ 今晚見到一d 我唔係好想見到既野~ 可能係我將件事想得太完美~ 當我發現原來件事係有d 缺憾既時候，只要係好少好少微不足道既缺憾時，我感到好失落亦都好失望~ 我一直都以為你唔係呢一種人呢...
17 th March, 02 Monday
今朝返學~ 放學之後就去左網吧~ 到下午6 點就出去又一城~ 因為約左炎去睇下一站天后~ 套戲都唔錯~ 可能因為我細個都係好似佢咁好想做歌星~ 但係佢當然比我幸運啦，佢可以爭取佢既夢想，亦有人支持亦都有條件做到想做既野~ 不過我響我小學4，5 年級度啦，就已經開始覺得呢個夢想係無可能實淺到~ 當然， 愈長大就愈更加知道係無可能啦~ 因為唱歌好過我既人大把，樣又唔靚，又開始老喇~ 做歌星唔係淨係鐘意唱歌就可以，仲要有實力既~ 有邊個唔想做小忌廉丫~ 睇完就去左旺角~ 無野做所以就去左green box 唱k~ 已經有下一站天后唱lu~
16 th March, 02 Sunday
今日激死人 \+/ 本來打算去睇戲~ 點知打極電話比炎佢都唔起身~ 到夜晚7點先嘈得醒佢~ 套戲7 點半做~ 即係趕唔切啦~ 咁只好同佢出去食野囉~ 夜晚去左佢網吧囉~ 到點幾就回家~ 真係激死人~ 今日飲左傷風熱飲~ 都幾好飲~ 好香檸檬味~ 飲完而家鼻塞好左~ 不過到聽日都仲好病我就會去睇醫生架喇~
MY DIARY!!! 傻貓日記 :)~