15 th March, 02 Saturday
今朝早去補習~ 補完回家~ 到下午又出去黃埔補~ 今次第一次見o個個細路個亞媽~ 估唔到又幾靚~ 靚到都睇唔出有個仔~ 仲咁大個添~ 皮膚仲好好添呀佢~ 唔怪得知... 個細路之前已經爆比我聽話佢亞媽晚晚都敷mask~ 我第時老d 都要學下佢~ 如果唔係點keep 到d 皮膚咁靚~ 老左無人追咪死~ d 男人就會唔 珍惜你架喇~ 一定要有人追下佢地先知驚既~ 夜晚去左網吧~ 個芝士雞扒好鬼正~ 夜晚又睇vcd~ 睇左太凶殺人狂~ 麻麻地啦~ 一般~
14 th March, 02 Friday
今朝無返學~ 因為太累了~ 通常辛苦完一week 到星期五就支撐不住要休息架喇~ 夜晚出左去同michael 吃飯~ 我地去左睇銀包先~ 因為我仲未買返個銀包~ 不過我之前睇中既銀包度度都賣晒~ 於是 我地唯有去tst 間vivienne westwood 度買另外一個~ 今次又係michael 比錢~ 都唔知點多謝佢好~ 總之係多謝啦~~ =o= 之後我地去左mint 食晚飯~ 吃完就回家lu~ 返到屋企剛剛好12 點~ 一入門口比媽咪串 -_- 話我係灰姑娘，因為我而家去街比daddy 經濟封鎖~ 話夜過12 點就無零用錢 -___- 不過我係唔會理佢既~ 我一定會同亞媽投訴~ 死都要羅返d 零用錢~ 我已經唔見左d 錢~ 仲要唔比錢我!？係咪有病架~
13 th March, 02 Thursday
今朝都係要補習既~ 補完就回家勒~ 因為無野做~ 到下午又出去補過~ 補完就出左tst，因為約左kunbu~ 我地去左食扒王之王~ 然後行左去信和~ 買左容祖兒o個隻karaoke~ 正版~~ 型嗎？kaka~ 之後我地行左去家樂既double rainbow 食雪糕~ 走o個陣佢比左$100 我~ 因為我無左個銀包佢咪贊助下我囉~ 真係好唷~ 夜晚又去左網吧度~ 今晚睇左3 更~ 韓國o個個故仔唔錯~ d 聲效真係嚇死人~ 泰國o個個就算罷啦~ 唔好提勒~ 香港o個個就leon 演得好正囉~ 故仔就溫情同離奇左d~ 不過 呢出野都唔係鬼片~ 只係一d 離奇既故仔~
12 th March, 02 Wednesday
今日day off ~ 但係都係要早起去補習~ 補完之後我去左tst~ 因為citysuper 同logon 開倉，我同iris 突登去執平野囉~ 不過o個度野就好多，但arm 洗既就一d d 啦~ 但係我都買左好多野呀~ 買左一隻鴨仔杯啦，熊熊垃圾桶啦，4 對襪啦，鞋帶啦，金色珠簾啦同埋粉紅色既縮骨遮~ 都係用左$170 jar~ 下午4 點幾我就去左紅磡補習~ 補完又去左網吧~ 今晚睇左the matrix，因為我知道遲d 出第2 集，咁咪拿拿聲睇返隻第一集囉~ 套戲都ok~ 不過科幻左少少~ 好鐘意佢個最經典既定型shot~
11 th March, 02 Tuesday
今朝好辛苦咁起身返學~ 上完下午o個堂就滕出去紅磡補習~ 補完就又返去上堂~ ~.~ 成日都好鬼眼訓呀~~~ 夜晚又睇左套戲~ 叫murder by numbers~ 都幾好睇~ 個女警幾醒~ 松松單野.... 真係... 如果佢係無心之失既話，我覺得佢真係好笨囉... 其實應該諗到傳媒會插佢... 但係佢竟然無諗到.. 你話我地應唔應該信佢推行既政策好... 佢咁笨... 如果佢有心避稅既話... 咁仲笨... 為左慳o個10 萬... 搞到咩誠信都無晒~ 如果佢響推行左加稅先買車既話， 咁佢仲可以做榜樣安撫市民，增加民望添~ 而家佢既藉口係話為左女兒出生而作好準備，我覺得不如佢買架學行車或者手推車仲實際囉 -___-
10 th March, 02 Monday
朝頭早返學~~ 放學就去左九龍塘睇the hours，第一次睇戲睇到訓著.... 都唔知up 咩既... 徙我 $60 -_____- 睇完就再返學上心理學~ 上完就去左網吧囉~
9 th March, 02 Sunday
今日好晏先起身~ 因為反正都無野做~ 今天是休息日呀~ 無出過街~ 成日都響屋企做乖乖女~ 嘻~
8 th March, 02 Saturday
尋晚去完網吧... 發現無左個銀包... 我諗係比人"tak" 左... 我擠左個袋響我隔離張凳jar 麻... 就係咁比人"tak" 左喇.. 哎... 無晒d 錢~ 無左成個禮拜糧都唔只... 咩都無不特止.. 仲要比媽咪daddy 鬧... 又唔比我去夜街.. 無mood... 咩mood 都無晒... 電話費又未交... 仲要爆分鐘... 哎.. 無錢交電話費喇... 我已經節儉緊... 仲要比人"tak" 錢... /_\ 又無埋身份證... 元氣card... 恆生card.. 嘉太賀card.. 網吧card... 租碟card... 學生證.... karaoke card... 相... 相card.... esprit hairdresser 個card 片.. d 人既card 片..............哎.. 仲要徙錢買過個銀包... 朝早都係要去補習... 唔補邊有錢... /_\ 無mood 都要去啦~~ 補完到夜d 就出左去睇戲~ 無mood 都要睇戲架~! 睇左on 男有2 性~ 都幾好睇~ 幾搞笑~ 有d 溫情有d 感動既愛情又有d搞笑~ 幾好~ 哎.... 想死~
7 th March, 02 Friday
今朝無返學~ 因為我太累~ 加上今日d 堂都係廢廢地既~ iris 咁arm 都係無返~ 呵呵~ 夜晚出左去網吧打機~~~
6 th March, 02 Thursday
今日都係dayoff~ 今朝去左補習~ 佢亞媽話想加鐘~ 每堂個半鐘~ 呵~ 咁又多d 錢勒~ 之後就返屋企訓覺~ 訓醒又去補習~ 累 /_\ 又租左碟睇~ "i am sam" 睇第二次都係會喊既~ 真係好好睇的一套戲~
5 th March, 02 Wednesday
今日就真係dayoff 勒~ 但係朝早好鬼眼訓~ 所以打去話發燒請假唔補~ 下午就同iris 去左green box 唱k 勒~ green box 已經有我的驕傲唱喇~ 唱到4 點幾我就去補習勒~ 尋晚睇左高斯福大宅謀殺案但係勁悶囉~~好采無去戲院睇~
4 th March, 02 Tuesday
今朝以為係day off ，所以較左鬧鐘9 點~ 點知iris 打黎我先醒起今日係要返學既~ 咁咪拿拿聲起身，但係o個時都8 點9~ 我出得去都成10 點半~ 咁咪索性 唔返~ 費事好似成日遲到咁~ 下午返去同iris 食lunch 然後等上堂囉~ 上完就出去補習~ 夜晚o個堂亞sir 又請假~ 所以補完習唔使返去學校~
3 rd March, 02 Monday
頭痛無返朝早o個堂~ 下午見無咩事，所以就返左夜晚o個堂~ 放學咪返屋企囉~
2 nd March, 02 Sunday
今日同尋日一樣都係勁頭痛~ 我諗我聽日或者遲d 一定會病得好嚴重~ 我喉嚨都開始唔舒服喇~ 今朝因為頭痛所以晏左去義工o個度~ 好鬼累呀~ 我地做個攤位係穿珠仔既~ 真係累到爆~ 個function 5 點幾完~ 之後就搭車出去tst~ 因為今日kevin 生日~ 咪同佢去食飯囉~ 我地去食bb 任食~ 食完就返屋企勒~ 因為我都勁頭痛呀~ 食到好飽 -_____- 搭車去o個個嘉年華function 時見到o個個新人唔知咩咩咩~ 翻唱陳百強舊歌o個個呀~ 都幾靚仔~ 夜晚響hmv 又見到at 17 o個個唔記得咩名~ 醜樣d o個個呀~ 佢比上鏡仲更加樣衰 -___-
1 st March, 02 Saturday
今朝去補習~~ 補完就去左新世紀睇夜魔俠~ 套戲麻麻啦~ 有d 悶~ 成套戲無咩tension~ 可能係我太累啦~ 套戲都有d 似蜘蛛俠黑色電影版~ 不過當然無蜘蛛俠咁好睇啦~ 其實無咁好睇都唔關佢係黑色電影事既~ trible x 都係黑色電影，不過都好好睇啦~ 睇完戲就去黃埔補習~ 今日係第一堂同個細路補~ 佢屋企有2 隻好好好得意的貓~ 我都有幫佢影左d 相~ 同個細路補都幾好~ 佢屋企得佢同工人~ 都無人康佢 ( 即係無人康住我~ 嘻~ )~ 我可以慢慢教~ 又可以玩下佢d 貓~ 不過一次過3 個鐘真係好辛苦~ 補完我個頭仲好痛添~ 補完就返屋企lu~~
MY DIARY!!! 傻貓日記 :)~