28 th February, 02 Friday
今朝要上學耶~ 上上下學校打黎話我原本報o個科有位喇喎~ 咁又唔使星期六返勒~ 晏晝都係要開會既~ 開完未夠鐘上堂~ 所以就玩鋤大dee~ kaka~ 上完堂就搭車回家lu~~
27 th February, 02 Thursday
尋晚唔夠膽返屋企~ 今朝響網吧等到10 點幾就去補習~ 補完就死咁滯，即刻回家訓~ 但訓左1 個多鐘度就要起身去esprit剪頭髮~ 個hairdresser 都話我個頭d 色都算甩得慢 ( 咁都話慢 -___- ) 佢話遲下會變橙色然後會變啡啡地色~ 到時又要洗5 舊水去染lu~ 剪完頭髮就去補習~ 補完就返左學校搞改選~ 因為我改選o個科滿左位~ 要揀過~ 要我無啦啦入荃灣 /_\ 走時我要出旺角轉車~ kevin 咁arm 又響o個邊~ 所以佢就陪我吃元氣勒~ 好味~~~ 飽飽~~ 電話入面o個d 相有一d 我已經整左入電腦度喇~ 要睇就click <--呢度啦~
26 th February, 02 Wednesday
很早又要去補習~ 補完就回左家~ 到下午又係如常去補習~ 租左隻死神來了 ( 睇多次 -_- ) 同埋一隻勁恐怖的鬼故~ 雖然我知係假既~ d 主持一定係夾埋做戲~ 但係拍得真係幾恐怖下~ 所以我夜晚響網吧睇完... 唔敢返屋企 -_______- 我屋企要行五層樓梯呀... 夜媽媽3 點幾好驚架麻... 咪無返屋企訓囉... daddy mummy 無咩點話我播~ 淨係問我係咪成日去網吧~ 哎~ 我今日發現我間房d 公仔有蝨.....-_______- 一定係豬豬... \+/ 結果.... 咪將d 公仔全部dump 晒囉~ d 好有紀念價值既都要dump /_\ 而家淨返d mo mo 響度jar~ 張被都拎左去洗~~~~
25 th February, 02 Tuesday
今朝唔知醒~ -___- 唔知可唔可以改到選~ 應該得掛~ 同iris 食完早餐就去上堂囉~ 下午都係去紅磡補習~ 今日遲走搞到我夜晚o個堂都遲左成個鐘~ 呢堂呢個亞sir 都幾搞笑架~ 夜晚放學返屋企時，michael 話有d 野同我講，所以黎搵我傾左10 多分鐘~ 我都無咩野講亦唔知講咩啦~ 不過都係希望佢開心d 啦~ 我係你好朋友都唔想你唔開心~ 再唔開心都會過去~ 唔去諗睇開d ，唔開心咪會離你而去囉~ 無唔開心野你又點識感覺到開心？仲有開心同唔開心係決定於主觀既心，唔係客觀既事~ 開唔開心係你決定架麻! 好想好想參加饑饉30 呀~ 唔講你唔知~ 根據數據，呢個世界上，平均每7 秒就會有一個小朋友因為饑荒而死去~ 你想像下，每7秒有個小朋友響你眼前失去生命係幾恐怖~ 饑饉30 真係好好好有意義~ 你或者我可能每捐出一蚊就可以挽救一個小朋友既生命~ 所以第時我拎張饑饉30 既捐款表比大家填既時候記得捐多d，就算捐1 蚊都已經可以救到人架喇~ 今日接到一單補習，係補小四，響黃埔補~ 一個星期淨係補一日，3 個鐘，saturday 4點--7 點~ 都幾好呀~ 又近，又係小四~ 我而家呢個學生都係小四麻~ 基本上我對小四既課程都瞭如指掌~ 簡簡單單方方便便快快脆脆就有錢賺~ 呵~ 太好~
24 th February, 02 Monday
今朝返11點幾~ 所以我10 點就起左身啦~ 好似以往咁起身沖涼洗頭戴con~ 點知響我剛剛洗完頭正想戴con 既時候，iris 打比我~ 仲話我知原來個亞sir 請左假唔使返~ ah~~ 我都洗左頭~ 濕垃垃又精神點訓返覺 -___- 咁結果咪索性打機算~ ~.~ 到下午5 點我就要出去勒~ 因為我6 點有堂~ 所以今日都係要返學既~ 夜晚睇vcd~ 玉女添丁~ 睇多次都係咁好笑既~ 千fa 好野~ 哎~ 每一晚都聽到美伊打仗既消息~ 實在係唔好受，每一次聽到都會心up 想喊~ 點解到今時今日呢個世代仲會有戰爭？戰爭要徙咁多錢，糧食同犧牲咁多人命~ 既然美國有咁多錢去殺人，不如 捐比我地呢個財赤嚴重既香港啦~ 堂堂一個美國大國竟然搵藉口去殺人~ 但竟然都有人支持~ 而家唔係打機~ 戰爭中死去係唔會復活~ 人命無左就係無左~ 睇住 d 人咁痛苦點解會有人無動於衷？ 可能好多人都覺得，人地打仗唔關我地事~ 但係我地同e 拉克既人民都係生存響同一個世界，一樣都係人~ 但係我地每一日擔心既可能係無工做啦，無錢洗啦，失戀啦，買唔到靚衫啦，甚至係唔夠人靚啦等等~ 但係o係戰亂入面既人，每一日擔心既可能係下一秒仲有無命？聽日可唔可以搵到樹皮黎食？ 點解同一個地球，有咁大既分別？但係我地唔知足之餘，仲要唔理佢地~ 唔幫佢地~ 我相信只要全世界都支持反戰，戰爭 係可以唔再出現，但係點解你仲要聰耳不聞呢？見到人地咁，你快樂嗎？
23 rd February, 02 Sunday
今朝起身去左會展睇人體奧妙展~~~d 屍體真係好鬼恐怖~ 成日凝住佢隻眼珠會漉落黎望住我~ o個度有d 屍體係可以掂的~ 但係我都唔敢摸呀~ 太恐怖~ o個度夜晚一定好猛~~ ~.~ 睇完之後行返出灣仔~ 行下行下~ 好自然就行到去red box 度，咁就好自然地去左唱k 啦~ 嘻~ 會展有個教育展我都要幫手耶~ 好多人去睇~ 可能香港經濟真係太差喇~ 個個都好擔心自己前途~ 驚無工做~ 哎~ 唔知我第時可以找到份咩工呢~
22 nd February, 02 Saturday
悶死人喇~ 今朝無去補習社補，仲順手辭埋份工~ 我真係愈來愈懶耶~ 今日成日都響屋企無出街~ 好悶 -_______-
21 st February, 02 Friday
今朝起身返學~ iris 遲左起身~ 無上朝早o個堂，不過我幫佢點埋名勒~ 嘻~ 落堂iris 就返到黎，我地去食野然後就去開義工小組會~ ~.~ 下午就上影視翻譯~~ 上完就出左去睇戲~~ 睇左死神又來了~ 個故事係好順理成章咁一路落~ 但佢拍得好核突，好恐怖~ 所以鐘意睇驚戲既朋友 應該去睇下~ 好多場面都好嚇人下~ 夜晚就去左食排王之王~ 然後就回家lu~
20 th February, 02 Thursday
唔使返學但又要去補o個個幼稚園學生~ 好鬼煩~~~ 焦命~ 然後下午又要補~ ~.~ 夜晚同左michael 去元氣吃壽司~~~
19 th February, 02 Wednesday
今朝晨早"疙" 起身去九龍城o個邊補習~ 同個讀k2 既補~ 佢o個度間屋好鬼靚架~ 但個細路就.... 其實咁鬼細個點補姐... 得o個$50/ hr 真係唔係幾想補~ 咁細個佢又唔知我up 咩我又唔知佢up 咩~ 死未~ 佢又心散... 哎~ 又要tum 又成~ 走o個時佢亞媽要我寫底教左d 咩，寫佢進度之類~ 我寫緊時佢又搞我~ 仲羅我見衫頂帽笠落我個頭度~ 我最鬼憎人 搞我個頭架喇，幾想兜巴星落佢度，但係又要對住佢笑~ 你話死未~ 佢仲問我做咩我個頭紅色~ 我想答佢因為比佢激到嘔血~ 嘔左落隻手度然後去左羅隻手洗頭~ 不 過我梗係無咁講~ 我咪又係要笑笑口囉 -____________- 幾經辛苦先補完 -____- 聽朝又要去喇~ 下午又去紅磡補~ 一樣都係比學生激到嘔血既~ 叫佢做d 野又唔做~ 結果咪要罰佢留堂做囉~ 其實罰佢留堂 = 罰自己留堂~ 哎~ 天啊~ 點解 d 小朋友咁麻煩~~~~ 今日聽到新聞話美國可能會用隻未用過既導彈，隻導彈會令所有儀器失靈，包括醫院入面既儀器~ 聽到後，我心裡面不禁shiiiiiit 了一聲~ 點解美國要用d 咁唔人道既方法，想下想下好想喊.. 諗起到時可能會有好多 無辜既人去到醫院都無得救~ 其後我再諗到當權者竟然係無惻隱之心，咁點為人民服務~ 打仗係咪可以解決問題？其實戰爭只會令彼此仇恨增加，令生命結束，令人痛失家園，令人妻離子散，浪費資源，浪費食物~ 無論係打贏定打輸，2 方一早都輸了，因為大家都無諗過冷靜去解決問題，只係讓仇恨任意控制自己既行為~ 今日我地有得用電腦上網，但係對於戰亂入面既人來說，可能連享受陽光都係一種奢侈既東西，可能佢地以後都不見天日~ 希望神會賜當權者一d 智慧，亦都保守e 拉克既人民~
18 th February, 02 Tuesday
今朝個胃唔舒服，所以無返~ iris 幫我點埋名~ 好愛佢呀 =o= 下午去紅磡補習，補完打算搭車返學校上堂既時候，iris 打比我話我地o個堂個亞sir 請左假，咁我又唔使返喇~ 咁見悶悶地就去左網吧打機~
17 th February, 02 Monday
朝早搭左架幸運van~ 又係唔係天橋行地下囉~ 真係有病架~ 本來我5 個字可以落車，但係我搭左成個鐘囉~ 痴線架~ 好采今朝o個堂個亞sir 要星期四先返到學，所以唔使上~ 我返到去又同iris 同瑩出左旺角~ 我地去左食吉野家，食完亞瑩就走~ 咁我 同iris 就行街~ 行到勁累呀~ 響潮流特區見到有間野全部mo mo 公仔都特價 $50 囉~ 超著數~ 超平!!! 所以我忍唔住買左個~ 其實買公仔比自己真係有d 唔arm~ 公仔應該係等人送架麻~ 不過應該都唔會有人買比我 -_- 所以都係自己買左一隻~ 然後又買左b 女figure 2 個~ 主要都係愛黎比我用部新電話影相~ b 女真係好鬼上鏡~ 同埋今日我又買左條好鬼靚既手鍊~ @o@ 不過洗左好多錢 -_- 到五點度我地就搭車返去上心理學同埋電視創作~
16 th February, 02 Sunday
又係無mood 囉~ d 人話出去~ 次次都係咁.... 其實我最憎d 人約左我話出去但又要我等電話又唔講幾點~ 不過... 你話我點嬲得落佢丫~ 最尾夜晚都係出左去~ 佢買左個mouse 比我呀~ ^^ 所以算啦~ 唔嬲啦~ 我地去左食野~ 好早就返左屋企~
MY DIARY!!! 傻貓日記 :)~