15 th February, 02 Saturday
超無mood 囉~ 喊左好耐添~ 不過最尾都無野~ ok 啦~
14 th February, 02 Friday
無咩mood ~ 淨係知義工小組d 野好煩又多~
13 th February, 02 Thursday
呢日唔知點解無寫到~ 我都唔記得做過咩喇~
12 th February, 02 Wednesday
今日要去開會所以都唔係太晏起身~ 出左去tst 同義工小組既主席seven 開會傾嘉年華攤位既遊戲，但係傾左都係要做~ 慘~ 之後就去左補習，補完就出左去causeway bay 找iris~ 我地吃飯同行左陣啦~ 夜晚我都係要去網吧囉~ 因為仲係上唔到網~ -_______- 聽日個師傅會上黎整~ 我而家隨時隨地都拎住floppy 響身方便我寫diary 去網吧upload~
11 th February, 02 Tuesday
今朝都好晏起身~ 因為尋日都係夜訓~ 起身就打左去netvigator 度問~ 佢話條線無問題，咁我就約左個師傅星期四上黎睇，不過如果唔係佢個modam 有問題既話，我係要比 $200 架囉~ -_________- 下午去左補習~ 補完就同michael 出去~ 因為佢請我吃飯兼買生日禮物比我麻~ 我地去左jordan 食日本野~ 好味~ ：9 之後就去左旺角先達睇電話~~ 佢買左個panasonic gd 88 電話比我做生日禮物呀~~ 真係好好呀~ 好開心添~~ hehhe~ 有得影相架~~ 個電話好貴呀~ 真係唔係幾好意思添~ =o= 佢生日時要好好同佢慶祝下先得喇~ =o= 我地買完電話就去左網吧打機，因為我無得上網麻~ 咁我又要順便upload 下我個diary 啦~ 我而家度仲同佢一齊響網吧架~ ^^
10 th February, 02 Monday
今日好晏先起身~ 因為尋日夜訓~ 起左身就開電腦上網啦，點知上唔到~ 激死~ 整左好耐都搞唔掂~ 結果咪死死地氣去左網吧~ 我好夜先回家~ 因為我知道回左家都係上唔到網架喇....結果真係囉... 返左屋企後都係上唔到網~ -_____- 連呢個diary 都upload唔到∼ 不過我都會繼續寫既∼ 無得上網既日子真係悶死人呀!!!!!!!! \__________/ 聽日要打去問下netvigator 先得~ 如果聽日都搞唔掂咁點算好..... /__\
9 th February, 02 Sunday
今朝很不願意地"疙"起身~ 因為非常之眼訓呀~~ 但係都要起~ 因為約左我個會d 會員出黎~ 2點去到，得3 個會員黎左 -_- 就係靜慎，蒼月同cfyu~ 跟住再等埋炎過來，我地就去左味千食野勒~ 食食下，紀念冊都黎埋~ 佢請左半日假來~~ 真係好~ 有d 人就衰啦，甩底~ -_______- 吃完野就去左green box 唱k~ 唱到7 點幾就走左去附近網吧打機~ 呢個時候，亞倫同天仇都出左黎~ 我地一齊打機打到10 點度就走勒~ 然後炎就送我去搭車~ 佢無訓過覺又要去開工勒~ 真慘~ 夜晚散band 時有d 頭痛，我諗係比佢地d煙攻親~~ ~.~
8 th February, 02 Saturday
今朝7點幾起身去補習社~ 好耐都無返過去喇~ haha~ 因為我成日都懶~ 今日返工有利是逗~~ 老闆娘o個封 $50~~ 另外有個學生家長又比~ 但得$20~~ 補完1 點幾，我就出左causeway bay k2 買我要買既褸褸~ 嘻~ 好采仲未比人買左~ ^^ 雖然件褸唔係好抵，唔係半價我都唔買~ 又唔係大件~ 半價左都4 百幾~ ~.~ 買完就回家囉~ 今晚媽媽生日~ 又有利是~ 嘻~ 好似今日有好多人送錢比我使咁~ 夜晚出去吃飯~~ 又大魚大肉喇~ 唔肥就奇~ 不過我尋日成日都無食過野~ 今日食野個肚有d 唔舒服~ 諗返起原來尋日係人日~ 哈~咁我尋日收到ｏ個個message 都唔係十分之怪~ 不過都係怪架喇~ 講到真係我生日咁播~
7 th February, 02 Friday
今朝原本打算去系會春茗，不過太眼訓了.... 無去囉~ 不過醒左又訓唔著~ 10 點幾就"疙" 左起身打機~ 哎~ 打打打打到5點~ 佢都未打黎~ 打比佢又無開電話~ 搞到我都無咩mood~ 於是熄左電腦，響張床度呆坐~ 愈諗愈唔開心~ 正想大被"come" 過頭訓一覺等我唔使亂諗既時候， 電話就響起~ 佢終於都記得我喇... 哎.. 搞下搞下就8點先出到去~ 出到去就即刻買左戲飛先~ 然後就去吃下野呀咁~ 吃完咪去睇戲囉~ 睇左"fuck me..." oops 唔係~ 係" catch me if u can" 先arm~ 套戲都算抵睇呀~ 片長差不多2 個半鐘~ 不過無咩悶場~ 大 Frank 做得好出色呀~ 我唔記得佢個名... 但我記得我之前睇過佢既戲佢係做奸角的~ toms hanks 做得都不錯~ Dicarprio 都做得好好丫~ 套戲劇情都ok~ 相信睇既人都會好羨慕frank既一生~ 佢既故事真係令到人地好有遐想呀~ 雖然佢最尾比人拉，中途仲過住d 穿洲過省既生活，但係佢多錢多到使唔晒，又溝到好多靚女，真正財色兼收~ 仲有佢最尾比人拉完後，好快就唔使坐監，仲有份政府工~ 收入不錯之餘，有自己既家室添~ 你話佢既一生幾令人羨慕丫~ 呢套戲簡直係鼓勵人要大膽犯案啦~ 睇完戲都12 點半，我地就搭車返屋企勒~ 今日收到2 個好奇怪的電話messages~ 第一個係今朝收到既，係kevin send 比我，佢同我講sorry~ 話佢之前掛住讀書好少打比我，叫我得閒就覆返佢~ 收到後我睇左個message 好多次，我真係唔係咁信係佢send 比我的， 因為我識左佢 4 年，佢從來無send 過message 比我，我亦都無send 過比佢，但係佢竟然o係今時今日send 一個咁既message 比我~ 為左確定個message 係佢send 比我，同埋我亦都想知點解佢無啦啦會send 個咁既message 比我， 所以我收到後都有覆佢，佢剛要返學測chem，佢話因為驚我嬲佢少打比我，所以今朝一起身就send message 比我~ 哼~ 你話男人係咪都係犯賤丫~ 我唔理佢呢，佢就黐埋黎~ 我緊張佢咩，佢就唔鬼理我~ 抵死丫~ 邊個叫佢唔珍惜我~ 死左心後做咩都補究唔到架喇~ 而家先知呢個事實已經太遲~ 第二個message 就係睇完戲收到~ 有個唔知邊個竟然同我講話記得我生日，仲懶醒話未過12 點... 好鬼搞笑~ 我生日係1 月4 號呀~ 今日幾月幾多號呀傻瓜~~~ haha~ 係邊個send 就唔好講~ 我幫你守秘密勒~ hahhaa 傻瓜~
6 th February, 02 Thursday
尋晚呀... 我2 點訓響床到等佢電話，我驚自己訓著，所以聽鬼古，聽左幾個鬼古，發現唔掂.. 我好驚.. 所以轉台~ 然後就繼續等... 一路等到4 點幾先訓.. 今朝7點幾札醒，即刻睇下個電話，不過... 原來唔係我等唔到，係原來佢已經忘記左我.. 於是我就好失望咁再次入睡... 哎.. /_\ 到朝早11點幾就有d 亞姨黎拜年~ 十姨帶左佢2 個仔女黎~ 焦命呀~ 2隻馬騮~ 一早響到嘈"亂"(喧，但係我係讀"亂" 既~) 巴閉~ 係咁嘈，又搞亞豬~ 亞豬真係陰公~ 我比個o靚妹嘈醒後 ( 一起身就聽到佢係咁叫 " 亞哥加油! 亞哥加油! \_/) 就聽到亞豬慘叫~ 我當然係唔敢起身出去~ 點知.. 係呢個時候， 我聽到十姨叫佢2 個仔女入黎叫我起身~ @@@@@@@@@@@@@@@@@@@ 焦命呀~~~ 痴線架!!! 咪搞我呀!\___/ 我即刻羅張被笠住個頭，我死都唔會應佢2 隻野架!! 好采後尾佢2 隻野 唔夠膽入我間房~最尾都無叫到我起身~ 等到佢地一班人走左我就即刻起身~ 換衫出去同媽媽飲茶~ 因為媽媽約左3 家姐個奶奶同老爺出來飲茶~ 為左逗2 封$100 利是，我當然 義不容辭("遲" kakakaak ) 咁起身啦~ 呵呵~ 飲完茶就去左網吧~ 本來諗住夜晚同佢出去睇戲，點知佢屋企有d 事... 唔出得~ 哎~ 好慘~ 我好似成日等~ 我就黎變望夫石~ 咁我唯有一個人響網吧打機~ 響網吧又撞到michael 佢地上黎借廁所~~ michael 同我講話唔記得我生日，所以打算星期日請我睇戲同埋買返禮物比我~ 呵呵~ 估唔到我仲有禮物收呀~~ 禮物榜未咁快收爐喎~ hahaha~ =o= 呢排好鐘意christina aguilera 首beautiful~ d 歌詞好好外，首歌又好聽~ d 歌詞我想送比一個人~ 雖然我唔知佢同你講左d 咩，但係我諗呢首歌都arm 你聽~ --> " u r beautiful no matter what she says (我改左she，原本係they)， words can't bring u down~ u r beautiful no matter what she says, words can't bring u down~ so don't u bring me down~ "
5 th February, 02 Wednesday
今日都係4 點幾起身... 唔係好想起身住架... 因為訓覺無咁痛... 痛死貓喇.... 下午又係無野做，就黎發髦喇~ \____/ 悶死貓~ 又痛又唔想出去~ 又唔郁得~ 悶死悶死 \____/ 成個下午都係坐響度打機打機and 打機~ 我再唔出去玩就會癲架喇~ \_/ 今日發現女人真係唔惹少~ 小心女人~
4 th February, 02 Tuesday
今日4 點幾先起身~ 尋晚夜訓丫麻~ 嘻~ 今朝補習社打過比我，問我返唔返~ 我梗係唔返啦~ 咁鬼早~ 傻既~ 不過佢叫我唔知星期五定星期六 (訓緊覺，都唔幾得係星期五定星期六喇) 9點返 -__- 個mouse 真係壞壞地呀... 要好大力噤先噤到~ 後尾我打開隻mouse，塞左舊廁紙入去頂住先~ -_______- 成日都無出街呀~ 好悶~ 屋企又無晒橙汁又無提子汁，所以吃完晚飯後就落左去超級市場買~ 哎~ 又打唔到比佢..... 成日都搞到我咁擔心.... /__\
3 rd February, 02 Monday
下午6 點幾我就出左去旺角~ 本來打算同昊日，benny，疑兇，馬騮，休等人去唱k 既~ 點知昊日同benny，馬騮同佢女友又買左飛睇戲，我地坐低飲左杯野後，佢地就走左去睇戲~ 咁淨返我同疑凶，休同佢個妹咪過左對面唱k 囉~ o個度有k buffet 食~ 有魚生呀o個d~ 不過我懷疑d 野唔係幾乾淨，食完個肚有d 唔舒服~ 唱到咁上下，昊日佢地睇完戲上黎，我地咪即刻開過間大房囉，點知我地開左，佢地又唔唱~ 仲走鬼左~ 咁我地咪比佢地玩死囉... 最尾每人要比2 個人錢囉~ 成$220.. 早知去v-mix 唱 -___- 仲平~ 唱完k 我都無咩錢，佢地話去網吧打機，所以就去左網吧打機，不過佢地請我打~ 嘻~ 打完機5 點幾lu~~ 然後我就返屋企~ 今年係咩咩年，大家唔好食咩咩啦 ~ 咩咩好慘架 /_\
2 nd February, 02 Sunday
今日下午響屋企吃開年飯~~ 今日仲好"送" 過尋日，我地問媽咪點解，佢話初一要食齋麻咁講，但係尋日都有雞有燒肉播，咁叫食齋... -__- 下午都係無咩做~ 到6 點幾就同風出左去~ 我地響旺角等，然後行去tst 睇煙花，行到去剛剛好差不多夠鐘放煙花 ^^ d 煙花好靚呀~ 特別的人睇，係特別靚~~ 嘻~ 睇完諗住去買無印奶茶，但佢竟然未開 \_/ 跟住我地就去左新港~ 睇下風打機~ 因為無咩機我想打~~ d 鼓機又好多人~ 又唔抵打~ 部touch screen 煮野食機又鬼咁多人~ 打完機就去左海旁 ^^ 之後行去紅磡間網吧度打左一陣機~ ( 其實似坐多過打機~ 哈哈~ ) 響o個度竟然見到michael，eddie 同miffy~~ 估唔到咁夜都見到佢地~ 雖則michael 成日都"捕" 住響 o個度架勒~ 哈哈~ 到3 點幾就回家lu~ 快樂既時光係過得特別快架喇... 仲有... 對住佢唔知點解總是成日面紅紅咁~ aiya~ 點解會咁~ 尋晚我睇電視時，突然間特別新聞報告，我仲以為有咩突發勁野發生，原來係講隻穿梭機解體~ 我覺得好奇.. 點解美國o個邊既穿梭機解體會搞到要做特別新聞報導更進事件發展咁勁既~ 單野發生響美國咁遠既地方，而且影響既人又不大，真係有d 奇.. o個時民航解體咪仲勁 ( 雖然我唔知佢有無做特別新聞報導，因為我o個時唔響屋企~ )，因為佢影響既人多，而且又接近香港， 加上對於有機會搭飛機既人可能會有恐慌~ 呢單野做特別新聞報導唔奇呀，不過真係唔明穿梭機o個單點解都要做特別新聞報導~ 嘻~ 而家屋企有金莎，又有雪莎~ @o@
1 st February, 02 Saturday
今日係大年初一，咩咩年~~ 我都幾鐘意咩咩呢隻動物架~ 以前都諗過如果大個唔開心既話，會突然間飛去new zealand 自己開一個羊場~ 淨係對住d 羊過活，賣下羊奶呀，羊毛呀咁~ d 羊淨係識咩咩聲又唔會鬧我，又唔會打我，又唔會離開我~ 今朝我12 點幾先去身~ 我刷牙時，3 家姐同姐夫就黎左喇~ 咪拿拿聲洗頭換衫囉~ ~.~ 食完開年飯就無野做，呆坐響電腦前面等夜晚出去~ 好唔開心... 響icq 同人講左2 句~ 講左出黎好似舒服d~ 跟住連食左3 粒金莎~ 我都係第一次 一路喊一路食金莎~ 到6 點幾，我就起程去亞婆屋企拜年同食飯~ 亞婆住響西灣河呀~ 搭車搭左都幾耐~ 因為都幾多人又塞~ 今日經我點算後，利是係有$1340 既~ 今日都逗得7788 喇~ 之後都無咩人會比lu~~~ 淨返幾個親戚未去拜~ 無去睇賀歲盃呀~ 因為時間唔arm ，同埋無人陪去睇麻，加上丹麥o個邊martin jorgensen 無黎( chur~~ )~~~ 港聯仲輸波添~ 鬼咩~ 丘仔同和仔都傷出~ 聽講今日如果畫香港旗響面有得免費入場~ 美伊唔好開戰就好lu~ 我翻譯譯過一篇野，入面有個人講，war is neccessary，but it"s always evil，never look good~ ( 我既意譯：戰爭是必然的，但它永遠都是邪惡和不被看好的)， 同埋佢話 " 我們永遠都無辦法在殺害彼此兒女的同時，學會和平共處 " ( 呢句係我譯返黎既意思，英文o個句exactly 佢點講我唔記得喇)~ 我覺得佢講既野好arm~ 同埋bush 唔應該用戰爭 黎顯示自己國家既強大囉... 咁樣會令好多百姓好無辜~ 隻穿梭機真係解左體~ 好慘~ 又死多幾個人... 之前做既實驗又無晒d 結果... 徙時間，徙人力，徙物力，徙晒d 心機，仲損失左幾條生命.. 祈禱...
MY DIARY!!! 傻貓日記 :)~